Par Se Than

ဖာပွန်မြို့နယ်ရှိ ရွာသားများ အဓမ္မ ရွှေ့ပြောင်းခံရ

sawmanthein — Wed, 14 Oct 2009 15:01:32 +0000

ကရင်ပြည်နယ် ဖာပွန်ခရိုင်ရှိ ကျေးရွာ ၆ ရွာမှ ကရင်ရွာသား ၂၀၀၀ ခန့်ကို တိုးတက်သော ဗုဒ္ဓဘာသာ ကရင် အမျိုးသား တပ်ဖွဲ့ (DKBA) တပ်များက ၎င်းတို့ ထိန်းချုပ်ထားသော ဒေသအတွင်းသို့ အတင်းအဓမ္မ ပြောင်းရွှေ့ နေရာချထားကြောင်း သိရသည်။

ထိုသို့ ပြောင်းရွှေ့ခံရသော ရွာသားများသည် ဖာပွန်ခရိုင်အတွင်းရှိ ကရင်အမျိုးသား လွတ်မြောက်ရေး တပ်မ တော်(KNLA) တပ်မဟာ ၅ ထိန်း ချုပ်ဒေသတွင်း နေထိုင်ကြသူများဖြစ်သည်။

DKBA တပ်ဖွဲ့က တပ်သားသစ်များ စုဆောင်းနေပြီး ရွာသားများကိုလည်း ထိုဒေသမှ ထွက်ခွာခြင်း မပြုရန်တား မြစ်နေကြောင်း ကရင် ကယ်ဆယ်ရေး နှင့် ဖွံ့ဖြိုးရေးရုံး (KORD)၏ ၀န်ထမ်းတဦးဖြစ်သူ မောလောက ဧရာဝတီကို ပြောပြသည်။

“ရွာသားတွေကို သူတို့က စခန်းထဲကနေ ပေးမထွက်ဘူး။ အစား အစာထွက်ရှာတာမျိုး ခွင့်မပြုဘူး”ဟု ထိုဒေသ သို့ မကြာသေးမီက ရောက်ရှိခဲ့သူ မောလောက ပြောသည်။

KORD မှ မောလော၏ ပြောကြားချက်အရ DKBA တပ်ဖွဲ့များက ယင်းကျေးရွာများမှ ဒေသခံများကို KNU နှင့် မပတ်သက်ရန် ဖြစ်နိုင်ကြောင်း ယခုကဲ့သို့ အတင်းအဓမ္မ ပြောင်းရွေ့ခိုင်းခဲ့သည်ဟု ဆိုသည်။

အလားတူပင် မြန်မာ့ တပ်မတော်နှင့် DKBA တို့၏ ပူးပေါင်း တပ်များက ကရင်ပြည်နယ် မြောက်ပိုင်းရှိ KNLA အခြေစိုက် တပ်မဟာ ၅ စခန်းများကိုလည်း ထိုးစစ်ဆင်ရန် ပြင်ဆင်နေကြသည်ဟု ကရင်လူငယ်များ အစည်း အရုံး (KYO) ဥက္ကဌ စောလှထွန်းက ဧရာဝတီသို့ ပြောသည်။

KYO ဥက္ကဌ သည် KNLA တပ်မဟာ ၅ ဒေသမှ မကြာသေးခင် ရက်ပိုင်းမှ ထိုင်းနယ်စပ်သို့ ပြန်လည်ရောက်ရှိ လာသူတဦးဖြစ်သည်။

ထိုင်းနိုင်ငံ၊ မယ်ဟောင်ဆောင်ခရိုင် အနီး သံလွင်မြစ် တလျှောက်ရှိ KNLA တပ်မဟာ ၅ ဒေသမှ စခန်းများကို ထိုးစစ်ဆင် ကြမည်ဖြစ်ရာ KNLA ကလည်း ၎င်းတို့၏ စခန်းများကို အလွယ်တကူ လက်လွှတ် ဆုံးရှုံးခံမည် မဟုတ်ဘဲ ပြန်လည်ခုခံ တိုက်ခိုက်ရန် အသင့်ပြင်ထား ကြကြောင်းလည်း သိရသည်။

ဒေသခံ ရွာသားများ၊ စီးပွားရေးသမားများကလည်း ဒေသအခြေအနေကို စောင့်ကြည့်နေကြသည်။ ထိုးစစ် ပြီးဆုံးပါက DKBA တပ်ဖွဲ့များသည် ထိုင်းမြန်မာနယ်စပ် သံလွင်မြစ်တလျှောက်တွင် အခြေချမည်ဟုDKBA သတင်းရပ်ကွက်မှ သိရသည်။

သံလွင်မြစ် နှင့် သောင်ရင်းမြစ် များရှိ သစ်ထုတ်လုပ်ခြင်း၊ အခွန်ကောက်ခြင်း၊ ရေကာတာ တည်ဆောက်ရေး လုပ်ငန်းအပါအဝင် နယ်စပ်ဒေသ ကုန်သွယ်ရေး လုပ်ငန်းများကို DKBA က တာဝန်ယူ ထိန်းချုပ်ပြီး လုံခြုံရေး ယူရမည်ဟု အဆိုပါ DKBA သတင်းရပ်ကွက်က ပြောသည်။

ထိုဒေသသည် DKBA ၏ ထိန်းချုပ်မှုအောက်သို့ ရောက်ရှိသွားပါက နယ်စပ်ရှိ သံလွင်မြစ်ကို ဖြတ်ပြီး တပ်မဟာ ၅ ဒေသသို့ ကယ်ဆယ်ရေးပစ္စည်းများ ပေးပို့ ဖြန့်ဝေနေသော ကရင် တိုင်းရင်းသား အကူအညီပေးရေးအဖွဲ့တို့၏ လုပ်ငန်းများကို ထိခိုက်စေမည်ဟု နယ်စပ် သတင်းရပ်ကွက်များမှ သိရသည်။

DKBAက ဤဒေသကို ထိန်းချုပ်ခဲ့ပါက နယ်စပ် ကုန်သွယ်ရေးတွင် တားမြစ် ကန့်သတ်ချက်အသစ်များ ထုတ်ပြန် မည်ကို ဒေသခံ လုပ်ငန်းရှင်များကလည်း စိုးရိမ်နေသည်။

သံလွင်မြစ်သည် ထိုင်းမြန်မာ နယ်စပ် ကုန်သွယ်ရေးတွင် အဓိကကျသည့် မြစ်တခု ဖြစ်သည်။ ဤဒေသ၏ နယ်စပ် ကုန်သွယ်ရေး လုပ်ငန်းသည် DKBA က KNLA နှင့် ခွဲထွက်ခဲ့သည့် ၁၉၉၅ ခုနှစ် နောက်ပိုင်းတွင် ကျ ဆင်းသွားရာမှ မကြာသေးမီ နှစ်များအတွင်း ပြန်လည် တိုးတက်လာခဲ့သည်။

မြန်မာစစ်အစိုးရသည် DKBA ကို ဖွဲ့စည်းပုံအခြေခံ ဥပဒေအသစ်အရ နယ်ခြားစောင့်တပ်အဖြစ် ပြောင်းလဲရန် ပြောကြားခဲ့ရာ DKBA က သဘောတူခဲ့သည်။ DKBA သည် မြန်မာစစ်အစိုးရနှင့် ၁၉၉၅ ခုနှစ်တွင် အပစ်အခတ် ရပ်စဲရန် သဘောတူညီခဲ့သည်

ဖါးစည်သံ

အဲခေါင်သောင့်မှ ကိုးကားဖေါ်ပြသည်။

မိုက္ကရိုဆော့ ဟော့(ထ်)မေးလ် သုံးစွဲသူတို့၏ Password များ အမြန်ပြောင်းလဲရန် တိုက်တွန်း

sawmanthein — Wed, 07 Oct 2009 09:00:18 +0000

Microsoft Hotmail ကို အသုံးပြုသူ စာဖတ်ပုရိတ်သတ်အပေါင်းတို့ ။။။။ကိုယ့်ရဲ့အီးမေး Password ကိုအမြန်ဆုံးပြောင်းလိုက်ကြပါ။ မသာမာ သူတွေ လက်ချက်နဲ့  ကမောက်ကမ တွေ ဖြစ်ကုန်မယ်။

Microsoft ၏ Hotmail စံနစ်ကို အသုံးပြု နေသူ (၂၁)သန်း ကျော်အား ၎င်းတို့၏ Password များကို အမြန်ဆုံး ပြောင်းလဲရန် ဗြိတိန် ရဲတပ်ဖွဲ့ က တိုက်တွန်း လိုက်သည်။

Microsoft ၏ နာမည်ကျော် Mail စံနစ်တွင် လုံခြုံရေး ယိုပေါက် တခုကို ရှာဖွေ တွေ့ရှိပြီးနောက် ယခုလို ဆော်ဩခဲ့ခြင်း ဖြစ်သည်။ အဘယ်ကြောင့် ဆိုသော် Hotmail အသုံးပြုသူ (၁၀၀၀၀) ကျော်၏ Password များကို Hacker များက ဖောက်ထွင်း ရယူသွားပြီး အောက်တိုဘာ (၁)ရက် နေ့က အဆိုပါ လူစာရင်းကို pastebin.com တွင် အမည်မသိသူ တဦးက ဖော်ပြ သွားခဲ့သည်။

ယခု အခြေအနေသည် ဆိုင်ဘာ လုံခြုံရေးအတွက် စိုးရိမ် ထိတ်လန့်စရာ ဖြစ်လာရပြီး အချက်အလက် ခိုးယူမှုများ ဖြစ်ပေါ်လာမည်ကို ရဲတပ်ဖွဲ့က စိုးရိမ်နေခဲ့သည်။ မက်ထရိုပိုလီတန် ရဲတပ်ဖွဲ့ ပြောရေးဆိုခွင့်ရ ပုဂ္ဂိုလ်က လူတိုင်းအနေနှင့် စီးပွားရေး၊ အခြားကိုယ်ရေး အချက်အလက် များကို တတ်နိုင်သမျှ Hotmail တွင် လက်တလော အသုံးမပြုရန်နှင့် Password များကို ပြောင်းပစ်ရန် အကြံပေးလိုကြောင်း ပြောဆိုသွားခဲ့သည်။

ထို လုံခြုံရေး ဟာကွက်နှင့် ပတ်သက်ပြီး နည်းပညာ Blog ဖြစ်သည့် Neowin.net က ဖော်ထုတ် တွေ့ရှိခဲ့ခြင်း ဖြစ်သည်။ ရဲတပ်ဖွဲ့သည် ယခုအခါ ဥရောပရှိ လူ(၁၀၀၀၀)ကျော် တို့၏ အချက်အလက်များ ခိုးယူ ခံထားရပြီး ဖြစ်နိုင်ကြောင်း ယူဆထားသည်။

Microsoft ကမူ ၎င်းတို့သည် Hotmail ၏ လိုအပ်ချက် မှန်သမျှကို သတိပြု ဖြေရှင်းပေးလျှက် ရှိကြောင်း မယုတ်မလွန် ပြောဆို သွားခဲ့သည်။
လူထုအသံအွန်လိုင်းဂျာနယ်မှကူးယူဖေါ်ပြသည်။

ဖါးစည်သံ

သောသီခိုသတင်းမျကိုးကားဖော်ပြသည်။

ENC အထွေထွေ အတွင်းရေးမှူး စာကို ဥက္ကဋ္ဌ ဖြစ်သူ ကန့်ကွက်

sawmanthein — Wed, 07 Oct 2009 08:56:25 +0000

နန်းဒေဝီ
အင်္ဂါနေ့၊ အောက်တိုဘာလ 06 ရက် 2009 ခုနှစ် 21 နာရီ 54 မိနစ်

နယူးဒေလီ (မဇ္ဈိမ)။ ။ တိုင်းရင်းသား လူမျိုးများကောင်စီ ENC အထွေထွေ အတွင်းရေးမှူးက အမေရိကန် စီးနိတ်လွှတ်တော်အမတ် မစ္စတာ ဂျင်မ်ဝက်ဘ်ထံ ပေးပို့စာနှင့် ပတ်သက်၍ ENC ၏ ရပ်တည်ချက် မဟုတ်ကြောင်း ကောင်စီ ဥက္ကဋ္ဌ က ကြေညာချက်ထုတ်ကာ တုံ့ပြန်ပြောဆိုလိုက်သည်။

“အမေရိကန်အနေဖြင့် ၂၀၁၀ ရွေးကောက်ပွဲကို ကြိုတင် ဆန့်ကျင်ခြင်း မပြုဘဲ၊ ရွေးကောက်ပွဲဝင်မည့် နိုင်ငံရေး အဖွဲ့များနှင့် မဲထည့်မည့် ပြည်သူများအတွက် ပြုလုပ်မည့် ပညာပေး သင်တန်းများကို ကူညီပံ့ပိုးပေးရန်၊ လွတ်လပ်ပြီး တရားမျှတသည့် ရွေးကောက်ပွဲဖြစ်ရန် စောင့်ကြည့်ရေးအတွက် အဖွဲ့များ ဖွဲ့စည်းခြင်းတို့ကို ကူညီပံ့ပိုးရန်” ဟူ၍ ပြီးခဲ့သည့်လ ၂၈ ရက်နေ့တွင် ထိုင်းအခြေစိုက် ENC အထွေထွေအတွင်းရေးမှူး စောဒေးဗစ်ထောက မစ္စတာ ဂျင်မ်ဝက်ဘ်ထံ ပေးပို့စာထဲတွင် တောင်းဆိုခဲ့သည်။

ဤသည်ကို ENC ဥက္ကဋ္ဌ ဦးခွန်ထယ်ဘူဖယ် Khu The Bu Phe ကမူ “ENC ၏ ရှင်းလင်းသည့် သဘောထားမှာ နအဖ ၏ ၂၀၀၈ ဖွဲ့စည်းပုံ အခြေခံဥပဒေနှင့် ၂၀၁၀ ရွေးကောက်ပွဲ ၂ ခုစလုံးကို လက်မခံနိုင်ကြောင်း၊ အဖွဲ့အနေဖြင့် တိုင်းရင်းသားပါတီများ ဖြစ်စေ၊ တဦးချင်း ရွေးကောက်ပွဲ ဝင်မည့်သူများကို ဆန့်ကျင်ခြင်း မရှိသည့်အပြင်၊ ရွေးကောက်ပွဲတွင် မဲပေးမည့် သူများကိုလည်း ကန့်ကွက်ဆန့်ကျင်ခြင်း မရှိကြောင်း” ဟူ၍ ကြေညာချက်ထုတ်ပြန်ကာ ပြောဆိုခြင်း ဖြစ်သည်။ ထို့အပြင် မစ္စတာဂျင်မ်ဝက်ဘ်ထံ စာပေးပို့သည်ကို သူ့အနေဖြင့် မသိရှိခဲ့ကြောင်း ဆိုသည်။

ENC အထွေထွေ အတွင်းရေးမှူး၏ ပေးစာထဲတွင် ENC ရေတိုမူဝါဒဖြစ်သော ၂၀၁၀ ရွေးကောက်ပွဲကို ဝင်ရောက်ယှဉ်ပြိုင်မည့် တိုင်းရင်းသား အဖွဲ့အစည်းများ ဖွင့်လှစ်မည့် ရုံးများအတွက် ကူညီပံ့ပိုးပေးရန်လည်း တောင်းဆိုထားသေးသည်။

ENC ကို ပြည်ပရောက် တိုင်းရင်းသား အဖွဲ့အစည်းများဖြင့် ၂၀၀၄ ခုနှစ် ဇန်နဝါရီလတွင် ဖွဲ့စည်းခဲ့ခြင်း ဖြစ်သည်။

ထိုအထဲတွင် ၁၉၉၀ ရွေးကောက်ပွဲ၌ ယှဉ်ပြိုင်ခဲ့သည့် တိုင်းရင်းသား ပါတီများနှင့် ဖွဲ့စည်းခဲ့သည့် ပြည်ထောင်စု တိုင်းရင်းသားလူမျိုးများ ဒီမိုကရေစီအဖွဲ့ချုပ် (လွတ်မြောက်နယ်မြေ) မှ ၁၁ ပါတီ၊ တောတွင်း လက်နက်ကိုင် တိုင်းရင်းသားအဖွဲ့များနှင့် ဖွဲ့စည်းထားသည့် အမျိုးသား ဒီမိုကရက်တစ်တပ်ပေါင်းစု NDF မှ အဖွဲ့အစည်း ၈ ဖွဲ့၊ ထို့အပြင် ထိုနှစ်ဖွဲ့တွင် မပါရှိသည့် အခြားတိုင်းရင်းသား အဖွဲ့များလည်း ပူးပေါင်းပါဝင်နေသည်။

ထိုအဖွဲ့များမှာ တိုင်းရင်းသားလူမျိုးများ ကိုယ်ပိုင်ပြဋ္ဌာန်းခွင့်၊ စစ်အာဏာရှင်စနစ် ဖျက်သိမ်းရေးနှင့် ဖက်ဒရယ် နိုင်ငံတော် တည်ဆောက်ရေး အစရှိသည့် ရည်ရွယ်ချက်များဖြင့် ပြည်တွင်းပြည်ပ၌ စစ်ရေး၊ နိုင်ငံရေး လှုပ်ရှားနေကြသည်။

NDF ကလည်း မစ္စတာဂျင်မ်ဝက်ဘ်ထံ ENC အတွင်းရေးမှူး ပေးပို့သည့် စာအပေါ် တုံ့ပြန်သည့်အနေဖြင့် ၎င်းတို့၏ သဘောထားကို ထင်ဟပ်စေမည့် ကြေညာချက်တစောင်ကို ယမန်နေ့က ထုတ်ဝေခဲ့သည်။

NDF ဥက္ကဋ္ဌ ဖဒိုဒေးဗစ်တာကပေါက “၂၀၀၈ ခုနှစ် ဥပဒေကို ပြန်လည်ပြင်ဆင်ခြင်း၊ နိုင်ငံရေး အကျဉ်းသားများ လွှတ်ပေးခြင်း၊ သတင်းစာ လွတ်လပ်ခွင့်နဲ့ နိုင်ငံရေး ပါတီတွေ လွတ်လွတ်လပ်လပ် စည်းရုံးလုပ်ဆောင်ခွင့် မပေးသေးဘဲနဲ့ အခုလို ENC ပြောတာက မမှန်ကန်ဘူး” ဟု မဇ္ဈိမကို ရှင်းပြသည်။

သူက “နိုင်ငံရေးပါဝင်ခွင့် ရခဲ့ရင်တောင် အသုံးချလို့ မရဘူး” ဟု ၂၀၀၈ အခြေခံဥပဒေတွင် တိုင်းရင်းသားများ အခွင့်အရေး ရပိုင်ခွင့် နည်းပါးသည့်အပေါ် ထောက်ပြပြောဆိုသည်။

ထို့အပြင် စစ်အစိုးရကို လုံးဝ အထီးကျန်ဖြစ်အောင် ပြုလုပ်ရမည့်အပြင်၊ ၂၀၁၀ ရွေးကောက်ပွဲရလဒ်ကို မည်သည့် အဖွဲ့အစည်းကမှ အသိမှတ်မပြုရန် လုပ်ဆောင်ရမည်ဖြစ်ကြောင်းနှင့် ၂၀၀၈ ခုနှစ် အခြေခံဥပဒေသည် ငြိမ်းချမ်းရေး၊ ဒီမိုကရေစီရေးကို ဦးတည်မှု မရှိသဖြင့် NDF က ဆန့်ကျင်ကြောင်း သူက ဆက်ပြောသည်။

နိုင်ငံရေး ရပ်တည်ချက်ကြောင့် အကျဉ်း ကျခံနေရသည့် ရှမ်းတိုင်းရင်းသား ခေါင်းဆောင် ဦးခွန်ထွန်းဦး၊ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်၊ ဦးတင်ဦးနှင့် ကျောင်းသားခေါင်းဆောင် မင်းကိုနိုင်အား နှစ်ရှည်ထောင်ဒဏ် ပေးခြင်းဖြင့် အမျိုးသား ရင်ကြားစေ့ရေးကို လုံးဝ ဦးတည်ခြင်း မရှိကြောင်း NDF ကြေညာချက်က ဆိုသည်။ အလားတူ အမျိုးသားဒီမိုကရေစီအဖွဲ့ချုပ် NLD လူငယ်များ၊ ရဟန်းသံဃာများအား ဆက်လက်ဖမ်းဆီးမှုများ ပြုလုပ်နေသဖြင့် လွတ်လပ်ပြီး တရားမျှတသည့် ရွေးကောက်ပွဲဖြစ်မည်ဟု စစ်အစိုးရ၏ ဝါဒဖြန့်ချိနေခြင်းသည် လက်တွေ့တွင် လုံးဝ မဖြစ်လာနိုင်ကြောင်း ပြောဆိုထားသည်။

NDF သည် ရခိုင်လွတ်မြောက်ရေးပါတီ ALP၊ လားဟူဒီမိုကရက်တစ်တပ်ဦး LDF၊ ချင်းအမျိုးသားတပ်ဦး CNF၊ ဝ’ အမျိုးသားအဖွဲ့ WNO၊ မွန်ပြည်သစ်ပါတီ NMSP၊ ကရင်အမျိုးသားအစည်းအရုံး KNU တို့ အပါအဝင်ဖြင့် ဖွဲ့စည်းထားခြင်း ဖြစ်သည်။

ထိုင်း-မြန်မာနယ်စပ် KNU ဗဟိုတပ်စခန်း ကော်သူးလေးကလည်း ENC အထွေထွေ အတွင်းရေးမှူးက အမေရိကန် စီးနိတ်အမတ်ထံ ပေးပို့ခဲ့သည့် စာနှင့်ပတ်သက်၍ KNU ၏ ၂၀၁၀ ရွေးကောက်ပွဲအပေါ် ထားရှိသည့် သဘောထားကို ထပ်မံဖော်ပြသည့် ကြေညာချက်တစောင်ကို ယနေ့ကပင် ထုတ်ပြန်ခဲ့သည်။

၂၀၁၀ ရွေးကောက်ပွဲတွင် ဝင်ရောက်ယှဉ်ပြိုင်ရန် တိုက်တွန်းသည့် ENC စာအပေါ် စိတ်ရှုပ်ထွေးစေကြောင်းနှင့် ရွေးကောက်ပွဲသည် ဒီမိုကရေစီစနစ် ထွန်းကားရေးကို တစုံတရာ ဦးတည်နေခြင်း မရှိသဖြင့် ၂၀၀၉ ခုနှစ် ဧပြီလ ၂၄ ရက်နေ့ထုတ် KNU ထုတ်ပြန်ချက်ကို ထပ်မံအတည်ပြုကြောင်း KNU ထုတ်ပြန်ချက်က ဆိုသည်။

၂၀၀၈ ခုနှစ် အခြေခံဥပဒေသည် စစ်တပ် အုပ်ချုပ်ရေးကို ပိုမို သေချာစေသည်သာမက၊ တိုင်းရင်းသားလူမျိုးစုများ အခွင့်အရေး အကာအကွယ်ပေးမှု မရှိသည့်အပြင် တိုင်းရင်းသားလူမျိုးနွယ်စုအကြား ခြိမ်းခြောက်မှု အန္တရာယ်ဟု ဖော်ပြထားသည်။

၂၀၀၈ ခုနှစ် အခြေခံဥပဒေသည် နိုင်ငံတကာ ဥပဒေနှင့် နိုင်ငံတကာ လူ့အခွင့်အရေး ကြေညာချက်ကို ဖောက်ဖျက်ရာ ရောက်ကြောင်း ထောက်ပြထားသေးသည်။

ဖါးစည်သံ

သောသီခိုသတင်းမှ ကိုးကားဖော်ပြသည်။

ကလေးများ အခွင့်အရေး စောင့်ရှောက်ဖို့ မြန်မာစစ်အစိုးရကို လူ့အခွင့်အရေးအဖွဲ့ တောင်းဆို

sawmanthein — Wed, 07 Oct 2009 07:55:08 +0000

06 October 2009

မြန်မာနိုင်ငံက ကလေးသူငယ်တွေနဲ့ ဆိုင်တဲ့ ဥပဒေ ပြဋ္ဌာန်းချက်အပေါ်မှာ အာဏာပိုင်တွေက လိုက်နာကျင့်သုံးခြင်း မရှိတဲ့အတွက် အာရှလူ့အခွင့်အရေး ကော်မရှင်က ဝေဖန် ထောက်ပြလိုက်ပါတယ်။ အကြောင်းစုံကို မသင်းသီရိက တင်ပြပေးထားပါတယ်။

မြန်မာနိုင်ငံမှာ ၁၉၉၃ ခုနှစ်ကတည်းက ကလေးသူငယ်များဆိုင်ရာ ဥပဒေကို ပြဋ္ဌာန်းထားတာ ဖြစ်ပါတယ်။ အဲဒီပြဋ္ဌာန်းချက်ထဲမှာ ပါတဲ့အတိုင်း ကလေးတွေအားလုံးဟာ ဒီခံစားခွင့်တွေကို ညီတူညီမျှ ခံစားခွင့်ပေးဖို့အတွက် ဟောင်ကောင်အခြေစိုက် AHRC အာရှ လူ့အခွင့်အရေး ကော်မရှင်က မနေ့က အောက်တိုဘာ ၅ ရက် နေ့စွဲနဲ့ အရေးပေါ် ကြေညာချက်တစောင် ထုတ်ပြန်ပြီး မြန်မာစစ်အစိုးရကို တောင်းဆိုလိုက်ပါတယ်။

အခုလို အရေးပေါ် တောင်းဆိုရတာကတော့ မြန်မာနိုင်ငံတ၀န်းက ကလေးသူငယ်တွေကို အာဏာပိုင်တွေက ပြဋ္ဌာန်းချက်ထဲမှာ ပါတဲ့အတိုင်း ဆက်ဆံမှုတွေ၊ စီမံဆောင်ရွက်မှုတွေ မရှိတဲ့ အခြေအနေတွေကို ကလေးငယ်တွေ ရင်ဆိုင်နေရတာကြောင့် ဖြစ်တယ်လို့ AHRC အဖွဲ့က ရှေ့နေ ဦးမင်းလွင်ဦးက ပြောပါတယ်။

“မြန်မာနိုင်ငံတွင်းမှာ အသက်မပြည့်သေးတဲ့ ကလေးသူငယ်တွေကို စစ်ဆေးပြီး ထောင်ကိုပို့ထားတဲ့ ကိစ္စတွေရှိတယ်။ ပြီးတော့ အသက် ၁၆ နှစ်ကနေ ၁၈ နှစ်အထိ လူငယ်လို့ သတ်မှတ်ထားတဲ့သူတွေကို အဓမ္မလုပ်အားပေး ခေါ်ယူခိုင်းစေတဲ့ ကိစ္စရပ်တွေ၊ ကလေးစစ်သားအဖြစ် ခေါ်ယူ အသုံးပြုတဲ့ ကိစ္စရပ်တွေ ရှိနေတယ်ဆိုတာ တွေ့ရှိရတယ်။

“အဲဒီလိုမျိုး မလိုက်နာဘူးဆိုရင်လည်း အဲဒီလူငယ်တွေကို မြို့ပြဆိုင်ရာ ဥပဒေတွေနဲ့ အရေးယူတာရှိတယ်။ ပြီးတော့ ကလေးစစ်သားအဖြစ် စုဆောင်းခံရတဲ့ ကလေးသူငယ်တွေက တပ်ထဲမှာမနေချင်လို့ ထွက်ပြေးတဲ့အခါမှာလည်း တပ်ပြေးတွေအဖြစ် စစ်ခုံရုံးတွေမှာ စစ်ဆေးစီရင်ခြင်း ခံရပြီးတော့ အကျဉ်းထောင်တွေထဲမှာ အကျဉ်းကျခံနေရတယ် ဆိုတာကို ကျနော်တို့ သိရှိရတယ်။”

မြန်မာနိုင်ငံထဲမှာ လက်ရှိပြဋ္ဌာန်းထားတဲ့ ကလေးသူငယ်ဆိုင်ရာ ဥပဒေထဲက ပြဋ္ဌာန်းချက်တချို့ကို ကုလသမဂ္ဂ ကလေးသူငယ်များဆိုင်ရာ ညီလာခံက ချမှတ်ထားတဲ့ အချက်အလက်နဲ့အညီ ပြင်ဆင်ဖို့လိုတယ်လို့လည်း AHRC အဖွဲ့က ထောက်ပြပါတယ်။ အထူးသဖြင့် ၂၀၀၄ ခုနှစ် ကလေးသူငယ်များဆိုင်ရာ ကုလသမဂ္ဂ ညီလာခံကနေ မြန်မာစစ်အစိုးရရဲ့ ကလေးသူငယ် ဥပဒေအပေါ်မှာ အကြံပြုထားတဲ့ အချက်တွေကို အခုအချိန်ထိ မြန်မာအာဏာပိုင်တွေက ပြင်ဆင် ဆောင်ရွက်ခြင်း မရှိသေးဘူးလို့လည်း ဦးမင်းလွင်ဦးက ပြောပါတယ်။

“၁၉၉၃ ခုနှစ်မှာ ကလေးသူငယ် ဥပဒေကို ပြဋ္ဌာန်းတယ်။ ပြီးတော့ နည်းဥပဒေတွေ ပြဋ္ဌာန်းတယ်။ ဒါတွေနဲ့ ပတ်သက်လို့ ကုလသမဂ္ဂ ကလေးသူငယ်များ ညီလာခံကနေပြီး ထောက်ပြထားတဲ့ အချက်က အသက် ၁၈ နှစ်အောက် လူတွေကိုလည်း ကလေးသူငယ် ဥပဒေမှာပါတဲ့ ခံစားခွင့်တွေနဲ့အညီ ခံစားခွင့် ပေးသင့်တယ်၊ ကလေးသူငယ် တရားရုံးတွေမှာ စစ်ဆေးစီရင်သင့်တယ်။ ပြီးတော့ ပြစ်ဒဏ်ချတဲ့အခါမှာလည်း ထောင်တွေကို မပို့ဘဲနဲ့ လူငယ်သင်တန်းကျောင်းတွေကို ပို့ဖို့လိုတယ်ဆိုတာ ထောက်ပြပြီးတော့ ပြန်လည် ပြင်ဆင်ခိုင်းထားတာ ဖြစ်ပါတယ်။”

ကလေးစစ်သား စုဆောင်းခံရမှု၊ အဓမ္မလုပ်အား စေခိုင်းခံရမှုတွေကို မြန်မာနိုင်ငံတ၀န်းက ကလေးသူငယ်တွေ ကြုံနေရတယ်လို့လည်း ဆက်ပြောပါတယ်။

“ကလေးစစ်သားတွေနဲ့ ပတ်သက်တဲ့ ကိစ္စရပ်တွေမှာ လူငယ်တော်တော်များများက အဲဒီလိုပဲ တပ်ပြေးမှုတွေနဲ့ လူကြီးတွေ ချုပ်နှောင်ထားတဲ့ အကျဉ်းထောင်တွေထဲမှာ ထောင်ကျခံနေရတယ်ဆိုတာ သိရှိရတယ်။ ဒါတွေက လူငယ်တွေအတွက် မဖြစ်သင့်တဲ့ အချက်အလက်တွေ ဖြစ်တယ်။ စစ်သားစုဆောင်းတဲ့ ကိစ္စရပ်တွေကတော့ ကျနော်တို့ မြန်မာနိုင်ငံ တ၀န်းလုံးမှာ ဖြစ်နေတဲ့ ကိစ္စရပ်တွေပါ။

“နောက် အဓမ္မ လုပ်အားပေးအဖြစ် အတင်းအဓမ္မ ဆင့်ဆိုခြင်း မပြုရဘူးလို့ မြန်မာနိုင်ငံ အစိုးရက ပြဋ္ဌာန်းထားပေမဲ့လည်း နိုင်ငံတော်ရဲ့ စီမံကိန်းတွေ ဆောင်ရွက်တဲ့အခါမှာ ကလေးသူငယ် မဟုတ်ပေမဲ့လည်း လူငယ်ဆိုပြီးတော့ အဓမ္မလုပ်အားပေး ခိုင်းစေတဲ့ ကိစ္စတွေ တော်တော်များများ ရင်ဆိုင်ကြုံတွေ့နေရတယ် ဆိုတာကို ကျနော်တို့ရဲ့ မှတ်တမ်းတွေအရရော၊ ILO က လက်ခံရရှိထားတဲ့ အချက်အလက်တွေ အရရော ပြောဆိုနေရခြင်း ဖြစ်ပါတယ်။”

AHRC အဖွဲ့က ရှေ့နေ ဦးမင်းလွင်ဦး ပြောပြခဲ့တာ ဖြစ်ပါတယ်။

အခုလို ကလေးသူငယ်တွေနဲ့ဆိုင်တဲ့ ဥပဒေ ပြဋ္ဌာန်းချက်တွေကို အမြန်ပြင်ဆင် ပြဋ္ဌာန်းဖို့နဲ့ ပြဋ္ဌာန်းချက်ထဲမှာ ပါတဲ့အတိုင်း လိုက်နာဆောင်ရွက် ဆက်ဆံဖို့ ဆိုတဲ့ကိစ္စတွေကို သက်ဆိုင်ရာ ကုလသမဂ္ဂ အဖွဲ့အစည်း အသီးသီးကို ပေးပို့ခဲ့တယ်လို့ AHRC အဖွဲ့က ပြောပါတယ်။

အလားတူ မြန်မာနိုင်ငံအတွင်းမှာ ကလေးသူငယ်တွေရဲ့ ကိစ္စတွေကို အထူးဆောင်ရွက်နေတဲ့ UNICEF အဖွဲ့အစည်းကိုလည်း သူတို့ စုဆောင်းရရှိထားတဲ့ ကလေးသူငယ်တွေရဲ့ မှတ်တမ်းနဲ့ အခုတောင်းဆိုစာကိုလည်း ပေးပို့ခဲ့တယ်လို့ AHRC အဖွဲ့က ပြောပါတယ်။

ဖါးစည်သံ

ဗွီအိုအေသတင်းမှကိုးကားဖော်ပြသည်။

ရ၀မ်ဒါ မျိုးဖြုတ်သတ်ဖြတ်မှုမှာ တာဝန်ရှိသူတဦးကို ဖမ်းဆီးရမိ

sawmanthein — Wed, 07 Oct 2009 07:51:44 +0000

06 October 2009

၁၉၉၄ ခုနှစ်မှာ ရ၀မ်ဒါက လူအစုလိုက် အပြုံလိုက် သတ်ဖြတ်မှုအတွက် တာဝန်ရှိတယ်လို့ ယူဆလို့ အလိုအရှိဆုံး ဖြစ်နေတဲ့ တရားခံတဦးကို ယူဂန်ဒါနိုင်ငံမှာ ဖမ်းဆီးမိသွားပါတယ်။

မစ္စတာ အိုင်ဒယ်လ်ဖွန့်စ် နီဇီယီမာနာ။

ကမ်ဘာလာမြို့တော် အပြင်ဘက်က ဟိုတယ်တခုမှာ အိုင်ဒယ်လ်ဖွန့်စ် နီဇီယီမာနာ (Idelphonse Nizeyimana) ကို တနင်္လာနေ့ကပဲ ဖမ်းဆီးမိခဲ့တယ်လို့ ယူဂန်ဒါရဲက ပြောပါတယ်။ သူ့ကို လူအစုလိုက် အပြုံလိုက် သတ်ဖြတ်မှု၊ လူသားမျိုးနွယ်အပေါ်မှာ ကျူးလွန်တဲ့ ရာဇ၀တ်မှုတွေနဲ့ တန်ဇန်းနီးယားနိုင်ငံမှာရှိတဲ့ ရ၀မ်ဒါနိုင်ငံအတွက် နိုင်ငံတကာ ရာဇ၀တ်မှု ခုံရုံးကို တင်မယ်လို့ ရဲအရာရှိတွေက ပြောပါတယ်။

စစ်တပ်အရာရှိတဦးလည်းဖြစ်၊ ထောက်လှမ်းရေး အရာရှိလည်း ဖြစ်ခဲ့တဲ့ မစ္စတာ နီဇီယီမာနာဟာ ရ၀မ်ဒါနိုင်ငံ ဘူတား (Butare) ပြည်နယ်မှာ ဖြစ်ပွားခဲ့တဲ့ လူအစုလိုက် အပြုံလိုက် သတ်ဖြတ်မှုကို ကူညီစီစဉ်ပေးတယ်လို့ အစိုးရ ရှေ့နေတွေက စွပ်စွဲပါတယ်။

သဘောထားပျော့ပြောင်းတဲ့ တွတ်ဆီနဲ့ ဟူတူတိုင်းရင်းသားတွေကို သူ့လက်အောက်က စစ်သားတွေက သတ်ဖြတ်ခဲ့ကြတယ်လို့ ၂၀၀၀ ခုနှစ် စွဲဆိုချက်ထဲမှာ ပြောထားတာပါ။ သူဟာ ရ၀မ်ဒါရဲ့ ဟန်ပြဘုရင်မနဲ့ တွတ်ဆီပညာတတ်တွေကို သတ်ပစ်ဖို့အတွက် အထူးတပ်ဖွဲ့ကိုလည်း ဖွဲ့စည်းပေးခဲ့တယ်လို့ ဆိုထားပါတယ်။

ဒီလူကို ဖမ်းမိဖို့အတွက် သတင်းပေးသူကို အမေရိကန်ဒေါ်လာ ၅,၀၀၀,၀၀၀ ပေးမယ်လို့ အမေရိကန် အစိုးရက ဆုကြေးထုတ်ထားခဲ့ပါတယ်။

ဖါးစည်သံ

ဗွီအိုအေသတင်းမှကိုးကားဖော်ပြသည်။

ဖောက်ခွဲရေးသင်တန်း တက်သည်ဟု စွပ်စွဲကာ သံဃာတော်အချို့အား ဖမ်းဆီးစစ်ဆေးနေ

sawmanthein — Wed, 07 Oct 2009 07:45:40 +0000

အောင်ထက် / ၆ အောက်တိုဘာ ၂၀၀၉

နယ်စပ်၌ ဖောက်ခွဲရေးသင်တန်း တက်ရောက်ခဲ့သည်ဆိုသော စွပ်စွဲချက်ဖြင့် ပြည်ပနိုင်ငံများမှ ပြန်ကြွလာသော သံဃာတော် (၈) ပါးအား ရန်ကုန်အပြည်ပြည်ဆိုင်ရာ လေဆိပ်တွင် စက်တင်ဘာ တတိယပတ်က ဖမ်းဆီးထိန်းသိမ်းလိုက်သည်။

အဆိုပါသံဃာတော်များကို တစုတဝေးတည်း ဖမ်းဆီးမိခြင်းမဟုတ်ဘဲ ခရီးစဉ်အသီးသီးမှအပြန် နအဖအာဏာပိုင်တို့က စောင့်ကြိုဖမ်းဆီးခဲ့ခြင်းဖြစ်သည်။

ဖမ်းဆီးထားသော သံဃာတော်များအား ရန်ကုန်မြို့ ကမ္ဘာအေးဘုရားလမ်း၊ မဟာပါသဏလိုဏ်ဂူနှင့်ကပ်လျက် ‘အပရဂေါယာန’ သုံးထပ်ကျောင်းဆောင်၌ နိုင်ငံတော်ဗဟိုသံဃမဟာနာယကအဖွဲ့ဝင် ဆရာတော်အချို့နှင့် သတင်းတပ်ဖွဲ့တို့က စစ်ဆေးခဲ့သည်။

ထို့နောက် သံဃာတော် (၇) ပါးအား ဆက်လက်စစ်ဆေးရန် (သို့မဟုတ်) ပြစ်ဒဏ်ကျခံစေရန် အင်းစိန်အကျဉ်းဦးစီးဌာနသို့ လွှဲပြောင်းခဲ့ပြီး ယခုအခါ ကျန်ရှိသံဃာတော် (၁) ပါးအား ဆက်လက်စစ်ဆေးနေဆဲဟု ဆရာတော်များနှင့် နီးစပ်သည့် အသိုင်းအ၀ိုင်းမှ သိရသည်။

သံဃာတော်များအား ဖမ်းဆီးထိန်းသိမ်းကာ စစ်ဆေးနေကြောင်း သာသနာရေးဝန်ကြီးဌာန ၀န်ထမ်းအများစု သိရှိနေသော်လည်း ၎င်းသံဃာတော်တို့၏ ဘွဲ့တော်၊ သီတင်းသုံးရာကျောင်းတိုက်၊ မြို့နယ် ကျေးရွာတို့ကိုမူ အထူးလျှို့ဝှက်ထားသည်။

“အပရဂေါယာန ကျောင်းဆောင်ဝန်းကျင်ကို ဘယ်ဝန်ထမ်းမှ ကပ်လို့မရဘူး။ အထူးကန့်သတ်နယ်မြေပေါ့။ သံဃာတော်တွေက သက်တော် (၂၅) နှစ်ဝန်းကျင်တွေလို့ ကြားရတယ်။ သတင်းတပ်ဖွဲ့ဝင်တွေကလွဲလို့ ဘယ်ဝန်ထမ်းမှ မမြင်ဖူးကြဘူး” ဟု သာသနာရေးဝန်ကြီးဌာန အရာထမ်းတဦးက ပြောသည်။

ယခုကျန်ရှိသံဃာ (၁) ပါးအား ဆွမ်းကွမ်းဝေယျာဝစ္စကအစ သတင်းတပ်ဖွဲ့မှ ဖြည့်ဆည်းဆောင်ရွက်ပေးနေပြီး အနီးကပ်စောင့်ကြည့်စစ်ဆေးလျက်ရှိသည်ဟု သိရသည်။

အဆိုပါသံဃာတော်တို့သည် ပြည်ပခရီးသို့ တရားဝင်ဗီဇာများဖြင့် ထွက်ခွာခြင်းဖြစ်ပြီး ထိုင်းနိုင်ငံအပါအ၀င် နိုင်ငံအသီးသီးမှ ပြန်လာစဉ် သတင်းအရ ယခုကဲ့သို့ ဖမ်းဆီးခံလိုက်ရခြင်းဖြစ်သည်။

ပြည်ပနိုင်ငံအသီးသီးဟု ဆိုသော်လည်း အများစုမှာ ဘန်ကောက်ခရီးစဉ်မှ ဖြစ်နိုင်သည်ဟု သာသနာရေးဝန်ကြီးဌာနမှ ၀န်ထမ်းများက ယူဆကြသည်။

ကမ္ဘာအေး မဟာပါသဏလိုဏ်ဂူအနီး၌ ကျောင်းဆောင် (၄) ဆောင်ရှိရာ မဟာနာယကကျောင်းဆောင်တွင် နိုင်ငံတော် သံဃမဟာနာယကအဖွဲ့ (၄၇) ပါးအနက် အချို့ဆရာတော်များ သီတင်းသုံးနေသည်။ ဖမ်းဆီးထားသော သံဃာများအား စစ်ဆေးရာတွင် အပရဂေါယာနကျောင်းဆောင်ကို အသုံးပြုပြီး ယခုအခါ ပြည်တွင်းမှ ဖမ်းဆီးထားသော သံဃာတော်အချို့ ရှိနေသည်ဟုလည်း သိရသည်။

၎င်းသံဃာတော်တို့ကို စစ်ကြောရေး (သို့မဟုတ်) အင်းစိန်အကျဉ်းဦးစီးသို့ မပို့မီ အပရဂေါယာနကျောင်းဆောင်၌ ဦးစွာစစ်ဆေးလေ့ရှိကြောင်း ၀န်ထမ်းတို့က ပြောသည်။

ယခင်က သာသနာပြုဘုန်းတော်ကြီးများ ပြည်ပခရီးထွက်ခွာရာတွင် သက်ဆိုင်ရာနိုင်ငံ၏ ပင့်ဖိတ်စာ (Appointment)၊ သံဃာတော်၏ နိုင်ငံကူးလက်မှတ်၊ သာသနာမှတ်တမ်း၊ တိုင်းခရိုင်မြို့နယ်၊ သံဃာမဟာနာယက၏ထောက်ခံချက်၊ ပြစ်မှုကင်းရှင်းကြောင်း ရဲစခန်းထောက်ခံချက်တို့ကို ရန်ကုန်မြို့ ကမ္ဘာအေးဘုရားလမ်း သာသနာရေးဝန်ကြီးဌာန၊ သာသနာတော်ထွန်းကားပြန့်ပွားရေး ဦးစီးဌာန (သာ-ထွန်း-ပြန့်) သို့ တင်ပြရသည်။

တင်ပြချက်အပေါ် (သာ-ထွန်း-ပြန့်) မှ စိစစ်ကာ ပြည်ပသာသနာပြုခရီးထွက်ခွာခွင့်ကို (၃) ရက်အတွင်း ခွင့်ပြုခဲ့သည်။

နယ်စပ်ဖောက်ခွဲရေးသင်တန်း တက်ရောက်ခဲ့သည်ဆိုသော စွပ်စွဲချက်သတင်းများ ထွက်ပေါ်အပြီး သံဃာတော်များ ပြည်ပထွက်ခွာခွင့်ကို နေပြည်တော် (သာ-ထွန်း-ပြန့်) မှ တိုက်ရိုက်ကိုင်တွယ်ခဲ့သည်။

အဆိုပါစွပ်စွဲချက်နှင့်ပတ်သက်၍ သာသနာရေးခွင့်ပြုချက် လက်မှတ်ထိုးပေးခဲ့သော (သာ-ထွန်း-ပြန့်) ညွှန်ကြားရေးမှူး ဦးအောင်သိန်းညွန့်ကိုလည်း ဌာနအတွင်း အရေးယူမှု (PE-DE) ပြုရန် နအဖအာဏာပိုင်တို့မှ စီစဉ်နေပြီဟု သတင်းများ ထွက်ပေါ်နေသည်။

ယခုအခါ ပြည်ပသာသနာပြုခရီးအတွက် ပြည်ပထွက်ခွာခွင့် စိစစ်မှုများကို (၃) ပတ်ကြာသည့်တိုင် ခွင့်ပြုချက်မချသေးကြောင်း ပြည်တွင်းမှ ဆရာတော်တပါးက မိန့်သည်။

ဖါးစည်သံ

ခေတ်ပြိုင်သတင်းမှ ကိုကားဖော်ပြသည်။

ဗိုလ်ချုပ်မှူးကြီးသန်းရွှေအား ဗုဒ္ဓဘာသာဝင်အဖြစ်မှ ထုတ်ပယ်ကာ မိစ္ဆာဒိဋ္ဌိအဖြစ် သံဃာ့တပ်ပေါင်းစု သတ်မှတ်

sawmanthein — Mon, 05 Oct 2009 12:18:43 +0000

NEJ / ၅ အောက်တိုဘာ ၂၀၀၉

မြန်မာနိုင်ငံတွင် တာဝန်အရှိဆုံး ဦးသန်းရွှေအား ဗုဒ္ဓဘာသာအဖြစ်မှ ထုတ်ပယ်ကာ သာသနာဖျက် မိစ္ဆာဒိဋ္ဌိအဖြစ် သတ်မှတ်လိုက်ကြောင်း မြန်မာနိုင်ငံလုံးဆိုင်ရာ သံဃာ့တပ်ပေါင်းစုအဖွဲ့ကြီးက အောက်တိုဘာ (၅) ရက် ယနေ့ နေ့စွဲဖြင့် ကြေညာချက်တစောင် ထုတ်ပြန်လိုက်သည်။

ကြေညာချက်တွင် ယခုလ (၃) ရက်၊ သီတင်းကျွတ်လပြည့် ပ၀ါရဏာနေ့တွင် ပြည်တွင်းပြည်ပ သိမ်အသီးသီး၌ တတိယအကြိမ် ပတ္တနိက္ကုဇ္ဇနကမ္မ၀ါစာ ရွတ်ဆိုကာ အောင်မြင်စွာ သပိတ်မှောက်နိုင်ခဲ့ကြောင်းလည်း မြန်မာနိုင်ငံလုံးဆိုင်ရာ ရဟန်းပျိုသမဂ္ဂနှင့် သံဃာသာမဂ္ဂီအဖွဲ့တို့က တင်ပြထားသည်။

ယင်းသို့ တတိယအကြိမ် သပိတ်မှောက်ကံဆောင်နိုင်ခဲ့သော်လည်း သံဃာတော်များ တောင်းဆိုထားသည့်အချက်ကို နအဖစစ်အုပ်စုတွင် တာဝန်အရှိဆုံးဖြစ်သည့် ဦးသန်းရွှေက မလိုက်နာသည့်အပြင် သံဃာတော်များအား ဆက်လက်ဖမ်းဆီး၊ ထောင်ချ၊ နှိပ်စက်၊ ညှဉ်းပန်းသတ်ဖြတ်နေသည့်အတွက် ဦးသန်းရွှေ၊ ဒေါ်ကြိုင်ကြိုင်နှင့် ၎င်း၏မိသားစုတစုလုံးအား ဗုဒ္ဓဘာသာအဖြစ်မှ ထုတ်ပယ်လိုက်ကြောင်း၊ ဦးသန်းရွှေအား သာသနာကို ဖျက်ဆီးနေသည့် မိစ္ဆာဒိဋ္ဌိအဖြစ် သတ်မှတ်လိုက်ကြောင်း၊ ဦးသန်းရွှေသည် ဗုဒ္ဓဘာသာဝင်မှန်ပါက သံဃာတော်များ တောင်းဆိုချက်ကို လိုက်နာရမည်ဖြစ်ကြောင်း ကြေညာချက်တွင် ဖော်ပြထားသည်။

သံဃာတော်များအပေါ် ကျူးလွန်မှုများနှင့် သာသနာအပေါ် စော်ကားမှုများကို တတိယအကြိမ် သပိတ်မှောက်ကံဆောင်မည့် သီတင်းကျွတ်လပြည့်နေ့မတိုင်မီ အောက်တိုဘာ (၂) ရက် နောက်ဆုံးထား၍ ၀န်ချတောင်းပန်ရန် နအဖစစ်အစိုးရအား မြန်မာနိုင်ငံလုံးဆိုင်ရာ သံဃာ့တပ်ပေါင်းစုအဖွဲ့ကြီးက နှိုးဆော်ထားခဲ့သည်။

သံဃာတော်များအနေဖြင့် ၁၉၉၀ ခုနှစ်တွင် မန္တလေး၌ တကြိမ်၊ ၂၀၀၇ ခုနှစ် စက်တင်ဘာတွင် တနိုင်ငံလုံးအတိုင်းအတာဖြင့် တကြိမ်၊ နှစ်ကြိမ်တိုင်တိုင် နအဖစစ်အစိုးရအား ပတ္တနိက္ကုဇ္ဇနကမ္မ၀ါစာ ရွတ်ဆိုကာ သပိတ်မှောက်ကံဆောင်ပြီး သတိပေးခဲ့သော်လည်း စစ်အစိုးရအာဏာပိုင်များက လိုက်နာတောင်းပန်ခြင်းမရှိသည့်အပြင် သံဃာတော်များနှင့်သာသနာကို ဆက်လက်စော်ကားနေသဖြင့် ယခုကဲ့သို့ တတိယအကြိမ် သပိတ်မှောက်ကံဆောင်ရခြင်းဖြစ်သည်ဟု မြန်မာနိုင်ငံလုံးဆိုင်ရာ သံဃာ့တပ်ပေါင်းစုအဖွဲ့မှ နိုင်ငံခြားရေးရာတာဝန်ခံ အရှင်ဣဿရိယ ကမိန့်ကြားသည်။

၎င်းက “ပြည်ပနဲ့ ပြည်တွင်း ပြည်နယ်အသီးသီးမှာ အခက်အခဲတွေကြားထဲကပဲ သံဃာတော်တွေ ညီညွတ်စွာနဲ့ ပတ္တနိက္ကုဇ္ဇနကမ္မ၀ါစာ ရွတ်ဆိုပြီးတော့ သပိတ်ကို အောင်မြင်စွာမှောက်လိုက်ခြင်းက တချက်ပေါ့လေ။ နောက်တချက်က တကယ့်တာဝန်အရှိဆုံးဖြစ်တဲ့ ဦးသန်းရွှေဟာ တကယ်ဗုဒ္ဓဘာသာဝင်ကောင်းတဦးဆိုရင် သာသနာဘောင်က ရဟန်းသံဃာတော်တွေအားလုံးကို ပြန်လွှတ်ရမယ်၊ တောင်းပန်ရမယ်။ အဲလိုပြန်မလွှတ်ဘဲ သူက သံဃာတော်တွေကို ဆက်လက်ဖမ်းဆီး နှိပ်စက်နေတယ်၊ ထောင်ချနေတဲ့အတွက်ကြောင့် တာဝန်အရှိဆုံးဖြစ်တဲ့ ဦးသန်းရွှေကို ဗုဒ္ဓဘာသာရဲ့ လုပ်ရပ်တွေနဲ့ မညီတဲ့အတွက်ကြောင့် သူ့ကို ဗုဒ္ဓဘာသာဝင်အဖြစ် ဦးဇင်းတို့သာသနာတခုလုံးက လုံးဝလက်မခံဘူး၊ ထုတ်ပယ်ပစ်မယ်။ ပြီးတော့ ဦးဇင်းတို့ရဲ့သာသနာတော်ကို သံဃာတော်တွေကို သတ်ဖြတ်ညှဉ်းဆဲနေတဲ့အတွက်ကြောင့် သူသည် ဗုဒ္ဓဘာသာရဲ့လမ်းစဉ်မဟုတ်တဲ့အပြင် သာသနာကိုဖျက်နေတဲ့ မိစ္ဆာဒိဋ္ဌိလမ်းစဉ်ဖြစ်နေတယ်။ ဒါကြောင့်မို့ ဦးဇင်းတို့က သူ့ရဲ့အယူမစွန့်မခြင်း၊ သူ့ကို မိစ္ဆာဒိဋ္ဌိအဖြစ် သတ်မှတ်ပြီး သာသနာ့ဘောင်ကနေ ဗုဒ္ဓဘာသာဝင် အဖြစ်ကနေ စွန့်ပယ်ထုတ်ပစ်တာပါ” ဟု ကြေညာချက်နှင့်ပတ်သက်၍ ရှင်းလင်းမိန့်ဆိုသည်။

တတိယအကြိမ် သပိတ်မှောက်ကံဆောင်မှုကို ပြည်တွင်းရှိမြို့နယ်များမှ သိမ်များတွင် သံဃာတော်များက မဖြစ်ဖြစ်သည့်နည်းဖြင့် ကမ္မ၀ါစာများ ရွတ်ဆိုကာ သပိတ်မှောက်ခဲ့ကြကြောင်း၊ အချို့သံဃာတော်များမှာ ပ၀ါရဏာပြုရင်းနှင့် လျှို့ဝှက်စွာဖြင့် ပတ္တနိက္ကုဇ္ဇနကမ္မ၀ါစာကို ရွတ်ဆိုခဲ့ကြကြောင်း အရှင်ဣဿရိယ ကမိန့်သည်။

“နအဖစစ်အစိုးရကလည်း ရွတ်ဆိုခွင့်မရအောင်ဆိုပြီးတော့ နေရာအနှံ့အပြားမှာ လိုက်ရှာတဲ့ကြားထဲကနေပြီး
သံဃာတော်တွေက အောင်မြင်အောင် သပိတ်မှောက်လိုက်ကြတယ်။ အခုဒီကမ္မ၀ါစာရဲ့ အဓိပ္ပာယ်က သိမ်တသိမ်ထဲမှာတောင် ရွတ်ဆိုလိုက်ရင် အောင်မြင်သွားတယ်။ အခုဟာက တကယ့်သိမ်တွေအများကြီးမှာ သံဃာတော်တွေ ညီညွတ်စွာနဲ့ ကမ္မ၀ါစာတွေရွတ်ဆိုပြီးတော့ သပိတ်မှောက်လိုက်ကြတဲ့အတွက်ကြောင့် ယခုတတိယအကြိမ်ရဲ့သပိတ်က တကယ့်ကို ကြီးမားတဲ့အောင်မြင်မှုလို့ ပြောလို့ရပါတယ်။ တနိုင်ငံလုံးအတိုင်းအတာနဲ့လုိ့ ပြောလို့ရပါတယ်။ ရခိုင်၊ အထက်ဗမာပြည်၊ အလယ်ပိုင်း မန္တလေး၊ ပဲခူး အစရှိသဖြင့် နေရာအနှံ့အပြား ရန်ကုန်အထိဆိုတော့ တတိုင်းပြည်လုံးကို ခြုံမိငုံမိသွားပါတယ်” ဟု ၎င်းကမိန့်သည်။

စစ်အစိုးရအကြီးအကဲ ဗိုလ်ချုပ်မှူးကြီးသန်းရွှေက မြန်မာနိုင်ငံတွင် သံဃာတော်များ ငြိမ်းငြိမ်းချမ်းချမ်းနှင့် နေခွင့်မရအောင် လုပ်ဆောင်နေပြီး သာသနာကို ဖျက်ဆီးနေသည့်အတွက် ယင်းလုပ်ရပ်ကို ထိရောက်စွာအရေးယူပေးပါရန် သံဃာ့ခေါင်းဆောင်များ စုပေါင်းလက်မှတ်ထိုးကာ ကမ္ဘာ့ခုံရုံးအဆင့်ဆင့်ထိ တရားစွဲဆိုသွားရန်လည်း သံဃာတော်များ တိုင်ပင်ဆွေးနွေးနေကြောင်း အရှင်ဣဿရိယ ကမိန့်ကြားသည်။

ကြေညာချက်တွင် သာသနာနှင့် နိုင်ငံတော်ကိုဖျက်ဆီးနေသည့် ဦးသန်းရွှေအား တပ်မတော်မှဖယ်ရှားပေးရန် တပ်မတော်သားများကို တိုက်တွန်းထားပြီး ၀ိနည်းကံကို လေးစားလိုက်နာခြင်းမရှိသည့် သံဃာတော်များကို ပစ္စည်းလေးပါး လှူဒါန်းခြင်းမပြုကြရန် ပြည်သူများအား မေတ္တာရပ်ခံထားသည်။

ဖါးစည်သံ

ခေတ်ပြိုင်သတင်းမှ ကိုးကားဖေါ်ပြထားသည်။

ဘန်ချလွန် (aersofp)ဖိနပ်ရုံတွင် အလုပ်သမားများဆန္ဒပြ

sawmanthein — Fri, 02 Oct 2009 15:37:00 +0000

၂ ရက် အောက်တိုဘာ ၂၀၀၉

ရွှေ့ ပြောင်းမြန်မာအလုပ်သမားများ အလုပ်လုပ်နေကြသည့် ထိုင်းနိုင်ငံ ဘန်ကောက်မြို့ နှင့် နီးစပ်သည့် စမိုပါကာနယ် ဘန်ချလွန် (aersofp)ဖိနပ်ရုံကုမ္ပဏီ တွင် ဒီကနေ့  ညနေ ၇း၄၀ မိနစ်အချိန်တွင် မြန်မာအလုပ်သမား (၁၀၀)ကျော်ခန့် ဆန္ဒပြခဲ့သည်။

အလုပ်သမားများ ဆန္ဒပြရခြင်းအကြောင်းက အလုပ်ရုံကစာရေးမများအား အလုပ်သမားများရဲ့  လုပ်အားခကို ခေါင်းပုံဖြတ်သည့်အတွက် ဆန္ဒပြရသည်ဟု အလုပ်ရုံက အလုပ်လုပ်နေကြသည့် ကရင်လုပ်သမားတစ်ဦးက ပြောသည်။

အလုပ်သမားများ ဆန္ဒပြမကြာခင်မှာ ကင်းလှည့်ရဲကားတစီးဝင်ရောက်လာပြီး လူစုခွဲလိုက်သည်။ ည ၁၀း၀၀ နာရီအချိန်တွင် အခြေအနေပုံမှန်ရှိသွားပြီး မနက်ဖြန်မှာ အလုပ်သမားများ အလုပ်မဆင်းနိုင်ဟု ပြောခဲ့သည်။

စမိုပါကာနယ် ဘန်ချလွန် (aersofp)ဖိနပ်ရုံကုမ္ပဏီသည် အလုပ်လုပ်နေကြသည့် ထိုင်းနှင့်မြန်မာအလုပ်သမားများ စုစုပေါင်း အလုပ်သမား (၄၀၀၀)ခန့် ရှိပြီး၊ ရွှေ့  ပြောင်းမြန်မာအလုပ်သမားများ (၂၀၀၀)ခန့် အလုပ်လုပ်နေလျက်ရှိသည်ဟု သိရသည်။

ဖါးစည်သံ

သက်ဆိုင်သူနှင့် အများပြည်သူသိစေရန်

sawmanthein — Fri, 02 Oct 2009 03:58:03 +0000

မကြာသေးခင်ရက်ပိုင်းတွင် နအဖတပ်နှင့် ဒီကေဘီအေ ပူးပေါင်းတို့ ၏ ညွန်ကြားမှု အစီအစဉ်ဖြင့် ထိုင်းနိုင်ငံ မဲဆောက်မြို့  နှင့် ၄င်းပန်းဝန်းကျင်ဒေသအတွင်းသို့  ကြေးစားလူသတ်သမား (၁၅)ဦး စေလွတ်ထားသည် ဟုသိရပါသည်။ ရည်ရွယ် ချက်ပစ်မှတ်တွေက KNU ထိပ်ပိုင်းခေါင်းဆောင်များကို ရှာဖွေရန် ရှင်းလင်းပစ်ရန် နှင့် FTUB ခေါင်းဆောင်အချိူ့ လည်း ပစ်မှတ်တွင် ပါဝင်သည်ဟုသတင်းရရှိပါသည်။

ဒီသတင်းရရှိပြီး ပို့ စ်တင်သင့်မတင်သင့် စဉ်းစားနေချိန်တွင် မြိုင်ကြီးငူဆရာတော် ထုတ်ပြန်တဲ့ စာလည်း တဆက်တည်း ထွက်ရှိလာပါသည်။ ဒီဆက်စပ်မှုကို ကြည့်ခြင်းဖြင့် မရိုးသားမှုတွေ ဆက်စပ်တွေ့ ရှိနေရပါသည်။ မည်သို့  ပင်ဖြစ်စေကာမူ KNU အထွေထွေ အတွင်းရေးမှူး ချူပ်ဟောင်း ပဒိုမန်းရှာလန်းဖန်း လုပ်ကြံခံရမှု ပုံရိပ်များသည် အများပြည်သူ မြင်ကွင်း တွင် ထင်ထင်ရှားရှား ရှိနေဆဲဖြစ်သည်။ သက်ဆိုင်သူများအားလုံးကို သတိဖြင့် နေစေချင်ပါသည်။ ဒီ့ပြင် အမှန်တရားကို ချစ်များနိုးတဲ့ တိုင်းရင်းသားညီကိုယ်အားလုံး အထူးသဖြင့် ထိုင်း-မြန်မာ နယ်စပ်တွင် နေထိုင်သူအားလုံး သတိဖြင့် နေကြ၍ မသင်္ကာသူ များတွေ့ ရင်သက်ဆိုင်သူ များသို့  အချိန်မှီ သတင်းပို့ ဖြန့် ချီပါရန် တိုက်တွန်းလိုပါသည်။

သောသီခိုဘလောဂ်မှ ကိုးကားဖေါ်ပြသည်။

ဖါးစည်သံ

အချင်းချင်း အပစ်ရပ်ကြရန် မြိုင်ကြီးငူဆရာတော် စာထုတ်ဝေ

sawmanthein — Wed, 30 Sep 2009 16:03:41 +0000

ဒီသတင်းကို အတည်ပြုရန် မဖြစ်နိုင်သေးပါ။ အဘယ်ကြောင်းနည်း ? ထုတ်ဝေသည့်ရက်စွဲနှင့် ဆရာတော်လက်မှတ် မပါဟုဆိုထားပါသည်။ အကယ်၍ မြိုင်ကြီးငူ ဆရာတော် တကယ်ထုတ်ပြန်သည့်စာဖြစ်သည့်တိုင် စာထုတ်ဝေပြီး တပ်မဟာ (၆) (၇) (၅) (၃) ဒေသတွင် ဒီကေဘီအေ တပ်တို့ နအဖ ခိုင်းသမျှ ယနေ့ အထိသောင်းကျန်းနေဒါတွေဟာ ယုတ္တိမရှိတဲ့အရာတွေပါ။ တကယ်ပြန်လည်သင့်မြတ်ရေးလမ်းကို ရွေးချယ်မယ်ဆိုရင် (၁)နအဖ ရဲ့ လက်ကိုင်တုတ် ခိုင်းစရာသတ္တ၀ါ တွေအဖြစ်မှ ပထမဦးဆုံး ရုန်းထွက်ပါ။ (၂) တပ်မဟာ (၇)(၆)(၅)(၃) ဒေသတွင် နအဖ နှင့်တွဲဖက် ပါဝင်နေသောဒီကေဘီအေ တပ်တွေ အားလုံးပြန်ဆုတ်ပြီး ကိုယ့်ဟာကိုယ်အေးအေးဆေးဆေး နေကြပါ။ (၃) နအဖ တပ်များ ကေအဲန်ယူ ကို ထိုးစစ်ဆင်ရာ၌ ဒီကေဘီအေတို့  ထိန်းချူပ်ရာနယ်မြေတွေ၌ ရွာသားတွေကို အကာအကွယ်ပေးပါ။
အထက်ပါ အချက်တွေဟာ လက်တွေ့ ဆန်သည့် ပထမဦးဆုံး စတင်လုပ်ဆောင်ရမည့် အရာများဖြစ်သည်။ အကယ်၍ ဒါတွေကို လက်တွေ့ မပြနိုင်ရင် ဒီစာသည် တမင်ရည်ရွယ်ချက်ရှိရှိ ထုတ်ပြန်သည့်စာဖြစ်၍ ရှေးတလှမ်းတိုးဖို့ အတွက် နောက်တလှမ်းကို ဆုတ်ပြီး ဒီကေဘီအေ တို့  ခေတ္တာ ခွန်အားပြန်လည်စုဆောင်းခြင်းသာ ဖြစ်သည်။ ဘယ်သူက စတိုက်သနည်း ? ဘယ်သူက ကရင့်အမျိုးသားရေးကို သွေဖယ်ပြီး ကိုယ်ကျိူးအတွက် မိုက်မဲစွာ စစ်ခင်းကြသနည်းဆိုဒါ အများပြည်သူ အားလုံးသိပြီး ဖြစ်ပါသည်။
သေချာဒါက ဒီကေဘီအေ ထိပ်ပိုင်းခေါင်းဆောင် တချိူ့ ဟာ ကရင်တွေ မဟုတ်ကြတော့ပါ။ ကရင်သွေး ကရင်စိတ် မရှိတော့တဲ့သူ တွေကို အခွင့်အရေး ဆက်ပေးနေခြင်းသည် မီးမြိုက်ထားသော အဆိပ်ပင်ကို ပြန်ပြီး နေရာရွေ့  စိုက်ပြီး အသက်ဆက်ရန် အတွက် ရေလောင်းပေးနေသလို ဖြစ်မည်ဆိုဒါ အားလုံးကို အသိပေးလိုပါသည်။ ဗမာလူမျိူးတိုင်း အကုန် မဆိုးဘူး…..ကရင်လူမျိူးတိုင်း..အကုန် မကောင်းဘူး.. မကောင်းသူကိုဖယ်…ကောင်းသူများနှင့် လက်တွဲ ကြရပါမည်။။။။။ အဓိက တရားခံသည် နအဖ စစ်အာဏာရှင် လူတစုနှင့် ကရင်အမျိူးသားသစ္စာဖေါက် ကိုယ်ကျိူးကြည့် အချောင်သမား တစ်စုသာဖြစ်သည်

စက်တင်ဘာလ ၃၀ရက်။ ကေအိုင်စီ

ကေအဲန်ယူနှင့် ဒီကေဘီအေ နှစ်ဖက်လက်နက်ကိုင် သားတပည့်များ မိမိတို့ ကရင်အချင်းချင်း တိုက်ခိုက်သတ်ဖြတ်နေကြသည်ကို ရပ်ဆိုင်း၍ လာမည့် နှစ်သစ်ကူးနေ့ မတိုင်မီ အပစ်အခတ်ရပ်စဲကြရန် မြိုင်ကြီးငူအထူးဒေသမှ ဆရာတော်ဘဒ္ဒန္တ သုဇနက ယမန်နေ့က စာထုတ်ဝေလိုက်သည်။

ဆရာတော်၏ ပြုံးရယ်နေသော ဓာတ်ပုံနှင့် ‘မြိုင်ကြီးငူအထူးဒေသ’ စာလုံးနောက်ခံများဖြင့် ရေးသားထားသည့် ဆရာတော်စာ ၏ အစတွင် “မမျှော်လင့်ဘဲ ဒီကေဘီအေ အဖွဲ့အစည်းတရပ် ဗြုန်းစားကြီး ပေါ်ပေါက်လာကာ ကေအဲန်ယူနှင့် ဒီကေဘီအေ ဟူ၍ ကရင်အမျိုးသားလက်နက်ကိုင်နှစ်ဖွဲ့ ဖြစ်လာရခြင်းမှာ သမိုင်း၏ တောင်းဆိုချက်အရ ဖန်တီးဖြစ်ပေါ်လာခြင်းဖြစ်ကြောင်း” ထည့်သွင်းရေးသားထားသည်။

ထုတ်ဝေသည့်ရက်စွဲနှင့် ဆရာတော်၏ လက်မှတ် ရေးထိုးထားခြင်းမရှိသည့် အဆိုပါစာ၏ အဆုံးပိုဒ်တွင် “နှစ်ဖက်သော လက် နက်ကိုင်အဖွဲ့သားများသည် အတိတ်မှ ဆိုးကျိုးများကို သင်ခန်းစာယူလျှက် အချင်းချင်း အပြန်အလှန် သင်ပုန်းချေပြီး နား လည်ခွင့်လွှတ်ကြကာ မတူညီသည့် အတွေးအခေါ်များကို တူညီမှုရသည်အထိ တွေ့ဆုံညှိနှိုင်းဆောင်ရွက်ကြစေလိုသည်”ဟူ၍ ပါရှိသည်။

ထိုကိစ္စနှင့်ပတ်သက်၍ ကေအဲန်ယူ တပ်မဟာ(၇)မှူး ဗိုလ်မှူးချုပ်စောဂျော်နီက “ကျနော်တို့က သင်ပုန်းချေခဲ့နေတာ ကြာပါပြီ။ အပစ်ခတ်ရပ်ဖို့ဆိုရအောင် ဒီကေဘီအေက နအဖနဲ့ပေါင်းပြီး ကျနော်တို့ကို အာရ်ပီဂျီဗုံးသီးတွေနဲ့ လာပစ်သွားတာကိုတောင် ရှောင်ခွာပေးခဲ့တာ ကျနော်တို့ ငြိမ်းချမ်းရေးကို လိုလား၊ မလိုလား သိနိုင်ပါတယ်။ လွန်ခဲ့တဲ့နှစ်တွေကလည်း ဒီလိုပဲ စာရေးလာ ပြီး ဆရာတော်ရဲ့ အရိပ်အောက်မှာ ပြန်လာနေခိုင်းတယ်။ ဒီကေဘီအေဟာ သက်တမ်း ၁၅နှစ်ရှိပြီ။ နအဖခိုင်းတာ လုပ်ပြီး ကိုယ့်ကရင်လူထုကိုတောင် ဘာမှမကာကွယ်ပေးနိုင်ရင် ကျနော်တို့ပြန်သွားဖို့ဆိုတာ မဖြစ်နိုင်ပါဘူး။ စာနဲ့ပဲရေးနေပြီး အ ကောင်အထည်မဖော်နိုင်တော့ ဘာအဓိပ္ပါယ်ရှိမှာလဲ”ဟု ကေအိုင်စီကို ပြောသည်။

ပြီးခဲ့သည့် ဇွန်လက နအဖတပ်များ၏ နောက်ခံပေးမှုနှင့် ဒီကေဘီအေက ကေအဲန်ယူက တပ်မဟာ(၇)ကို ထိုးစစ်ဆင်ရာ တပ် မဟာဌာနချုပ်နှင့် တပ်ရင်းနေရာများကို ကေအဲန်ယူမှ စွန့်ခွာပေးခဲ့ရသည်။ ၎င်းအပြင် ဒီကေဘီအေတပ်ဖွဲ့ဝင်များသည် နအဖ တပ်ဖွဲ့ဝင်များနှင့် ပူးပေါင်းကာ ကေအဲန်ယူ တပ်မဟာ(၆)နှင့် တပ်မဟာ(၅)ကို ဆက်လက်၍ ထိုးစစ်ဆင်လှုပ်ရှားလျှက်ရှိသည်။

ဒီကေဘီအေတပ်ဖွဲ့သည် မြိုင်ကြီးငူဆရာတော်၏ ဦးဆောင်မှုအောက်တွင်သာ ယခုအချိန်ထိ ရပ်တည်လျှက်ရှိသည့်အတွက် ဆရာတော်သည်သာ အခရာအကျဆုံး ပုဂိုလ်ဖြစ်ပြီး ဒီကေဘီအေ ထိပ်ပိုင်းခေါင်းဆောင်များကို အမိန့်ပေး ညွှန်ကြားနိုင်သူဖြစ် သည်ဟုလည်း ဗိုလ်မှူးချုပ်စောဂျော်နီက ထောက်ပြပြောဆိုခဲ့သည်။

လွန်ခဲ့သည့် သြဂုတ်လပိုင်းက ဒီကေဘီအေ (၉၉၉)တပ်မဟာမှ ဗျူဟာမှူး ဗိုလ်မှူးကြီးစောချစ်သူက ဒီကေဘီအေအနေဖြင့် ငြိမ်းချမ်းရေးကို လိုလားပြီး အမျိုးဘာသာ၊ သာသနာထွန်းကားရေးအတွက် မြိုင်ကြီးငူဆရာတော်ဘုရားကြီး၏ လမ်းညွန်မှုဖြင့် လုပ်ဆောင်နေကြောင်းနှင့် နယ်စပ်သို့ထွက်ပြေးနေရသည့် ကရင်ရွာသူရွာသား ဒုက္ခသည်များ ၎င်းတို့ရပ်ရွာသို့ ပြန်မလာနိုင် အောင် ကေအဲန်ယူမှ မိုင်းထောင်ထားကြောင်း စွပ်စွဲကာ ထုတ်ပြန်ချက်တစောင် ရေးသားခဲ့သေးသည်။

မြိုင်ကြီးငူဆရာတော်၏ ထုတ်ပြန်စာအပေါ် ဒီကေဘီအေ အရာရှိများ၏ အမြင်သဘောထား သိရှိနိုင်ရန် ကေအိုင်စီမှ ဆက် သွယ်မေးမြန်းသော်လည်း အဆက်အသွယ်မရခဲ့ပေ။

တိုးတက်သော ဗုဒ္ဓဘာသာ ကရင်အမျိုးသားတပ်မတော် (ဒီကေဘီအေ)သည် ၁၉၉၄ခုနှစ်တွင် ကရင်အမျိုးသားအစည်းအရုံး (ကေအဲန်ယူ)မှ ခွဲထွက်ကာ မြန်မာစစ်အစိုးရနှင့် ပြန်လည်ပူးပေါင်းခဲ့ပြီး ထိုနှစ် ဒီဇင်ဘာလ ၂၁ရက်နေ့တွင် စတင်ဖွဲ့စည်းခဲ့ သည့် ကရင်လက်နက်ကိုင်အဖွဲ့တခု ဖြစ်သည်

ဖါးစည်သံ

အဲခေါင်သောင့်နှင့်သောသီခိုဘလောဂ်သတင်းမှ ကိုးကားဖေါ်ပြသည်။