အချင်းချင်း အပစ်ရပ်ကြရန် မြိုင်ကြီးငူဆရာတော် စာထုတ်ဝေ

mm

ဒီသတင်းကို အတည်ပြုရန် မဖြစ်နိုင်သေးပါ။ အဘယ်ကြောင်းနည်း ? ထုတ်ဝေသည့်ရက်စွဲနှင့် ဆရာတော်လက်မှတ် မပါဟုဆိုထားပါသည်။ အကယ်၍ မြိုင်ကြီးငူ ဆရာတော် တကယ်ထုတ်ပြန်သည့်စာဖြစ်သည့်တိုင် စာထုတ်ဝေပြီး တပ်မဟာ (၆) (၇) (၅) (၃) ဒေသတွင် ဒီကေဘီအေ တပ်တို့ နအဖ ခိုင်းသမျှ ယနေ့ အထိသောင်းကျန်းနေဒါတွေဟာ ယုတ္တိမရှိတဲ့အရာတွေပါ။ တကယ်ပြန်လည်သင့်မြတ်ရေးလမ်းကို ရွေးချယ်မယ်ဆိုရင် (၁)နအဖ ရဲ့ လက်ကိုင်တုတ် ခိုင်းစရာသတ္တ၀ါ တွေအဖြစ်မှ ပထမဦးဆုံး ရုန်းထွက်ပါ။ (၂) တပ်မဟာ (၇)(၆)(၅)(၃) ဒေသတွင် နအဖ နှင့်တွဲဖက် ပါဝင်နေသောဒီကေဘီအေ တပ်တွေ အားလုံးပြန်ဆုတ်ပြီး ကိုယ့်ဟာကိုယ်အေးအေးဆေးဆေး နေကြပါ။ (၃) နအဖ တပ်များ ကေအဲန်ယူ ကို ထိုးစစ်ဆင်ရာ၌ ဒီကေဘီအေတို့  ထိန်းချူပ်ရာနယ်မြေတွေ၌ ရွာသားတွေကို အကာအကွယ်ပေးပါ။
အထက်ပါ အချက်တွေဟာ လက်တွေ့ ဆန်သည့် ပထမဦးဆုံး စတင်လုပ်ဆောင်ရမည့် အရာများဖြစ်သည်။ အကယ်၍ ဒါတွေကို လက်တွေ့ မပြနိုင်ရင် ဒီစာသည် တမင်ရည်ရွယ်ချက်ရှိရှိ ထုတ်ပြန်သည့်စာဖြစ်၍ ရှေးတလှမ်းတိုးဖို့ အတွက် နောက်တလှမ်းကို ဆုတ်ပြီး ဒီကေဘီအေ တို့  ခေတ္တာ ခွန်အားပြန်လည်စုဆောင်းခြင်းသာ ဖြစ်သည်။ ဘယ်သူက စတိုက်သနည်း ? ဘယ်သူက ကရင့်အမျိုးသားရေးကို သွေဖယ်ပြီး ကိုယ်ကျိူးအတွက် မိုက်မဲစွာ စစ်ခင်းကြသနည်းဆိုဒါ အများပြည်သူ အားလုံးသိပြီး ဖြစ်ပါသည်။
သေချာဒါက ဒီကေဘီအေ ထိပ်ပိုင်းခေါင်းဆောင် တချိူ့ ဟာ ကရင်တွေ မဟုတ်ကြတော့ပါ။ ကရင်သွေး ကရင်စိတ် မရှိတော့တဲ့သူ တွေကို အခွင့်အရေး ဆက်ပေးနေခြင်းသည် မီးမြိုက်ထားသော အဆိပ်ပင်ကို ပြန်ပြီး နေရာရွေ့  စိုက်ပြီး အသက်ဆက်ရန် အတွက် ရေလောင်းပေးနေသလို ဖြစ်မည်ဆိုဒါ အားလုံးကို အသိပေးလိုပါသည်။ ဗမာလူမျိူးတိုင်း အကုန် မဆိုးဘူး…..ကရင်လူမျိူးတိုင်း..အကုန် မကောင်းဘူး.. မကောင်းသူကိုဖယ်…ကောင်းသူများနှင့် လက်တွဲ ကြရပါမည်။။။။။ အဓိက တရားခံသည် နအဖ စစ်အာဏာရှင် လူတစုနှင့် ကရင်အမျိူးသားသစ္စာဖေါက် ကိုယ်ကျိူးကြည့် အချောင်သမား တစ်စုသာဖြစ်သည်

စက်တင်ဘာလ ၃၀ရက်။ ကေအိုင်စီ

ကေအဲန်ယူနှင့် ဒီကေဘီအေ နှစ်ဖက်လက်နက်ကိုင် သားတပည့်များ မိမိတို့ ကရင်အချင်းချင်း တိုက်ခိုက်သတ်ဖြတ်နေကြသည်ကို ရပ်ဆိုင်း၍ လာမည့် နှစ်သစ်ကူးနေ့ မတိုင်မီ အပစ်အခတ်ရပ်စဲကြရန် မြိုင်ကြီးငူအထူးဒေသမှ ဆရာတော်ဘဒ္ဒန္တ သုဇနက ယမန်နေ့က စာထုတ်ဝေလိုက်သည်။

ဆရာတော်၏ ပြုံးရယ်နေသော ဓာတ်ပုံနှင့် ‘မြိုင်ကြီးငူအထူးဒေသ’ စာလုံးနောက်ခံများဖြင့် ရေးသားထားသည့် ဆရာတော်စာ ၏ အစတွင် “မမျှော်လင့်ဘဲ ဒီကေဘီအေ အဖွဲ့အစည်းတရပ် ဗြုန်းစားကြီး ပေါ်ပေါက်လာကာ ကေအဲန်ယူနှင့် ဒီကေဘီအေ ဟူ၍ ကရင်အမျိုးသားလက်နက်ကိုင်နှစ်ဖွဲ့ ဖြစ်လာရခြင်းမှာ သမိုင်း၏ တောင်းဆိုချက်အရ ဖန်တီးဖြစ်ပေါ်လာခြင်းဖြစ်ကြောင်း” ထည့်သွင်းရေးသားထားသည်။

ထုတ်ဝေသည့်ရက်စွဲနှင့် ဆရာတော်၏ လက်မှတ် ရေးထိုးထားခြင်းမရှိသည့် အဆိုပါစာ၏ အဆုံးပိုဒ်တွင် “နှစ်ဖက်သော လက် နက်ကိုင်အဖွဲ့သားများသည် အတိတ်မှ ဆိုးကျိုးများကို သင်ခန်းစာယူလျှက် အချင်းချင်း အပြန်အလှန် သင်ပုန်းချေပြီး နား လည်ခွင့်လွှတ်ကြကာ မတူညီသည့် အတွေးအခေါ်များကို တူညီမှုရသည်အထိ တွေ့ဆုံညှိနှိုင်းဆောင်ရွက်ကြစေလိုသည်”ဟူ၍ ပါရှိသည်။

ထိုကိစ္စနှင့်ပတ်သက်၍ ကေအဲန်ယူ တပ်မဟာ(၇)မှူး ဗိုလ်မှူးချုပ်စောဂျော်နီက “ကျနော်တို့က သင်ပုန်းချေခဲ့နေတာ ကြာပါပြီ။ အပစ်ခတ်ရပ်ဖို့ဆိုရအောင် ဒီကေဘီအေက နအဖနဲ့ပေါင်းပြီး ကျနော်တို့ကို အာရ်ပီဂျီဗုံးသီးတွေနဲ့ လာပစ်သွားတာကိုတောင် ရှောင်ခွာပေးခဲ့တာ ကျနော်တို့ ငြိမ်းချမ်းရေးကို လိုလား၊ မလိုလား သိနိုင်ပါတယ်။ လွန်ခဲ့တဲ့နှစ်တွေကလည်း ဒီလိုပဲ စာရေးလာ ပြီး ဆရာတော်ရဲ့ အရိပ်အောက်မှာ ပြန်လာနေခိုင်းတယ်။ ဒီကေဘီအေဟာ သက်တမ်း ၁၅နှစ်ရှိပြီ။ နအဖခိုင်းတာ လုပ်ပြီး ကိုယ့်ကရင်လူထုကိုတောင် ဘာမှမကာကွယ်ပေးနိုင်ရင် ကျနော်တို့ပြန်သွားဖို့ဆိုတာ မဖြစ်နိုင်ပါဘူး။ စာနဲ့ပဲရေးနေပြီး အ ကောင်အထည်မဖော်နိုင်တော့ ဘာအဓိပ္ပါယ်ရှိမှာလဲ”ဟု ကေအိုင်စီကို ပြောသည်။

ပြီးခဲ့သည့် ဇွန်လက နအဖတပ်များ၏ နောက်ခံပေးမှုနှင့် ဒီကေဘီအေက ကေအဲန်ယူက တပ်မဟာ(၇)ကို ထိုးစစ်ဆင်ရာ တပ် မဟာဌာနချုပ်နှင့် တပ်ရင်းနေရာများကို ကေအဲန်ယူမှ စွန့်ခွာပေးခဲ့ရသည်။ ၎င်းအပြင် ဒီကေဘီအေတပ်ဖွဲ့ဝင်များသည် နအဖ တပ်ဖွဲ့ဝင်များနှင့် ပူးပေါင်းကာ ကေအဲန်ယူ တပ်မဟာ(၆)နှင့် တပ်မဟာ(၅)ကို ဆက်လက်၍ ထိုးစစ်ဆင်လှုပ်ရှားလျှက်ရှိသည်။

ဒီကေဘီအေတပ်ဖွဲ့သည် မြိုင်ကြီးငူဆရာတော်၏ ဦးဆောင်မှုအောက်တွင်သာ ယခုအချိန်ထိ ရပ်တည်လျှက်ရှိသည့်အတွက် ဆရာတော်သည်သာ အခရာအကျဆုံး ပုဂိုလ်ဖြစ်ပြီး ဒီကေဘီအေ ထိပ်ပိုင်းခေါင်းဆောင်များကို အမိန့်ပေး ညွှန်ကြားနိုင်သူဖြစ် သည်ဟုလည်း ဗိုလ်မှူးချုပ်စောဂျော်နီက ထောက်ပြပြောဆိုခဲ့သည်။

လွန်ခဲ့သည့် သြဂုတ်လပိုင်းက ဒီကေဘီအေ (၉၉၉)တပ်မဟာမှ ဗျူဟာမှူး ဗိုလ်မှူးကြီးစောချစ်သူက ဒီကေဘီအေအနေဖြင့် ငြိမ်းချမ်းရေးကို လိုလားပြီး အမျိုးဘာသာ၊ သာသနာထွန်းကားရေးအတွက် မြိုင်ကြီးငူဆရာတော်ဘုရားကြီး၏ လမ်းညွန်မှုဖြင့် လုပ်ဆောင်နေကြောင်းနှင့် နယ်စပ်သို့ထွက်ပြေးနေရသည့် ကရင်ရွာသူရွာသား ဒုက္ခသည်များ ၎င်းတို့ရပ်ရွာသို့ ပြန်မလာနိုင် အောင် ကေအဲန်ယူမှ မိုင်းထောင်ထားကြောင်း စွပ်စွဲကာ ထုတ်ပြန်ချက်တစောင် ရေးသားခဲ့သေးသည်။

မြိုင်ကြီးငူဆရာတော်၏ ထုတ်ပြန်စာအပေါ် ဒီကေဘီအေ အရာရှိများ၏ အမြင်သဘောထား သိရှိနိုင်ရန် ကေအိုင်စီမှ ဆက် သွယ်မေးမြန်းသော်လည်း အဆက်အသွယ်မရခဲ့ပေ။

တိုးတက်သော ဗုဒ္ဓဘာသာ ကရင်အမျိုးသားတပ်မတော် (ဒီကေဘီအေ)သည် ၁၉၉၄ခုနှစ်တွင် ကရင်အမျိုးသားအစည်းအရုံး (ကေအဲန်ယူ)မှ ခွဲထွက်ကာ မြန်မာစစ်အစိုးရနှင့် ပြန်လည်ပူးပေါင်းခဲ့ပြီး ထိုနှစ် ဒီဇင်ဘာလ ၂၁ရက်နေ့တွင် စတင်ဖွဲ့စည်းခဲ့ သည့် ကရင်လက်နက်ကိုင်အဖွဲ့တခု ဖြစ်သည်

ဖါးစည်သံ

အဲခေါင်သောင့်နှင့်သောသီခိုဘလောဂ်သတင်းမှ ကိုးကားဖေါ်ပြသည်။

Advertisements

ကရင်မျိုးနွယ်စုများ မြန်မာများနှင့် လက်တွဲတိုက်ပွဲဝင်ခြင်း အင်္ဂလိပ်မြန်မာ ပထမ စစ်ပွဲများ

၂၇  ရက် စက်တင်ဘာ ၂၀၀၉

၁၈၂၅ – ခုနှစ် မေလ (၇)ရက်နေ့ မှာ ဗြိတိသျှတပ်နှင့်မြန်မာတပ်တို့ စတင် တိုက်ခိုက်တယ်။ ဗြိတိသျှတို့ ဖက်မှ ကပ္ပတိန်ရို့  ကပ္ပတိန်ကင်နွန် တပ်သာအများအပြား ကျဆုံးသွားကြတယ်။ စစ်ဦးစီးမှူး ဂျင်နရယ်ကော့တန်က တပ်များကို ပြန်ဆုတ်စေပြီး နောက်ပိုင်းတန်းပျက်ပြီး စစ်အကူတောင်းရသည်။

ဓနုဖြူခံတပ်တိုက်ပွဲမှာ မြန်မာတပ်တွေနဲ့ အတူ ဓနုဖြူအရှေ့ နှင့် အနောက်ဖက်မှာရှိတဲ့ တလမျိုးချောင်းဖျား သဘောသဗြုကျေးရွာတွေက ကရင်အမျိုးသားများဟာ ရွတ်ရွတ်ချွန်ချွန် ပါဝင်တိုက်ခိုက်ကြတယ်။ မဟာဗန္ဒုလနှင့်အတူ ပါဝင်တိုက်ခိုက်ခဲ့တဲ့ ကရင်ခေါင်းဆောင်ကတော့ ဗိုလ်ဟန် ဖြစ်တယ်။

အင်အားမမျှလို့ စစ်သူကြီးမဟာဗန္ဒုလ ကျဆုံးသွားတဲ့အတွက် ၁၈၂၅- ခုနှစ် ဧပြီလ(၂)ရက်နေ့ မှာ ဓနုဖြူခံတပ် ကျဆုံးသွားခဲ့ရတယ်။ ဓနုဖြူခံတပ်က ဆုတ်ခွါခဲ့ရတဲ့ ကရင်၊ဗမာအင်အားစုကို ရွှေလဲဗိုလ်နှင့် ကရင်အမျိုးသား မန်းကျားတို့  က ဦးဆောင်ပြီး ဓနုဖြူခံတပ်ကို ပြန်လည်တိုက်ခိုက်ခဲ့ကြတယ်။ ဗြိတိသျှတပ် အင်အားကြီးမားလို့ တိုက်မရဘဲ ဆုတ်ခွါခဲ့ရတယ်။ ဗြိတိသျှတပ်ကလည်း ဆုတ်ခွါလာတဲ့ ကရင်ဗမာအင်အားစုနောက်ကို လိုက်လံတိုက်ခိုက်တဲ့အတွက် ရွှေလန်ဘို ကျုံပျော်မြောက်ပိုင်းဆောက်တန်းတောမှာ ကျဆုံးသွားတယ်။ ကျန်ရစ်တဲ့ ကရင်၊ဗမာ အင်အားစုကို မန်းကျားကြီးက ဦးဆောင်ပြီးဗြိတိသျှတို့ ကို ဆက်လက်ခုခံတိုက်ခိုက်ရင်း ထောင်သောင်ကြီးတွင် မန်းကျားကြီး ကျဆုံးပြန်တယ်။ မန်းကျားကြီး ကျဆုံးတဲ့အတွက် ကရင်၊ဗမာ အင်အားစုတွေဟာ ခိုရာကျေးရွာတွေမှာ ၀င်ပြီး ကိုယ်ရောင်ဖျောက်လိုက်ကြတယ်။ ဧရာဝတီမြစ်ဝကျွန်းပေါ်မှာ ဗြိတိသျှဆန့် ကျင်ရေးတိုက်ပွဲတွေ ပျောက်ကျားတိုက်ခိုက်ကြတယ်။

သမိုင်းသစ်ဂျာနယ်မှ ကောက်နှုတ်ဖေါ်ပြထားသည်။

ဆက်လက်ဖေါ်ပြပါမည်။

ဖါးစည်သံ

နအဖစစ်အစိုးရ ကျပ် (၅,၀၀၀) တန် အသစ်ထုတ်မည်

မင်းနိုင်သူ / ၂၅ စက်တင်ဘာ ၂၀၀၉

n

မြန်မာနိုင်ငံအတွင်း လာမည့်အောက်တိုဘာ (၁) ရက်မှ စတင်ကာ (၅,၀၀၀) ကျပ်တန် ငွေစက္ကူအသစ် စတင်ထုတ်ဝေ သုံးစွဲတော့မည်ဖြစ်ကြောင်း စစ်အစိုးရပိုင် ရုပ်မြင်သံကြား သတင်းဌာနများက ယမန်နေ့ညပိုင်းက ကြေညာလိုက်သည်။ Continue reading

ကရင့်အာဇာနည်များသို့ ဦးခိုက်တောင်းလျှောက်ခြင်း

စက်တင်ဘာ ၂၂ ရက် ၂၀၀၉

    iuy  ညမှာထိန်လင်း ငွေလမင်းကို 

လွမ်းစိတ်ဖန်ညောင် ဆွေးစိတ်ဆောင်တဲ့  

သူ့ ဘ၀မျိုး ငါမလို …။

နေ့ မှာထိန်လင်း နေမြင်းကြီးလို

ပူးပြင်းတောက်လောင် ဒေါသဆောင်တဲ့          

သူ့ ဘ၀မျိုး ငါမလို …။ 

ရော်ရွက်ဝါလို လေကျတော့သေ

လေသွေးတော့မြူး  လေရူးတော့က

သူ့ ဘ၀မျိုးလဲ ငါမလို …။

အာဇာနည်လို ကိုယ်ကျိုးစွန့် လွှတ်  

အမျိုးသားအတွက်    ယုံကြည်ချက်ကို  

စွဲမြဲဆုပ်ကိုင်    တော်လှန်ရေးတရား

သွေးခင်းလမ်းမှ ခန္ဓာလဲကြေ

မြေမှာခလဲ   အရိုးထတွန်     

တိုက်ပွဲဝင်သည့်

သူ့ စိတ်ဓာတ်မျိုး ရယူလိုပါသည်။

အိုးအာဇာနည် …။

 သင့်စိတ်ဓာတ်မျိုး ငါ့အား ပေးပါလေ …။

 

ရဲဘော် ကလိုကဆောရိုမဲ

                 တောင်ငူခရိုင်           

(၅၉)နှစ်ပြည့် ကရင့်အာဇာနည်နေ့ သို့ 

                 ဦးညွတ်ဂုဏ်ပြုလျက် …။  

သြဂုတ်လ ၂၀၀၉ ခုနှစ် ထုတ်ဝေသော သနုထူဂျာနယ်မှ ကောက်နှုတ်ဖေါ်ပြသည်။   “

ဖါးစည်သံ 

မယ်လဒုက္ခသည်စခန်းရှိလူသစ်အတွက် စားနပ်ရိက္ခာနှင့် အသိအမှတ်ပြုလက်မှတ် ထုတ်ပေးမည့်အစီအစဉ်ရွှေ့ဆိုင်း

စက်တင်ဘာ ၂၁ ရက် ၂၀၀၉

 Untitled-1

ယခုလ(၂၈)နေ့တွင်မယ်လဒုက္ခသည်စခန်းရှိလူသစ်(၁)သောင်းခန့်ကိုစားနပ်ရိက္ခာနှင့် အသိအမှတ်ပြုလက်မှတ် ထုတ်ပေးမည့်အစီအစဉ်ကို ရွှေ့ဆိုင်းလိုက် သည်ဟုစခန်း ဒုဥက္ကဌကပြောသည်။

 စခန်းဒုဥက္ကဌစောထွန်းထွန်းက”၂၀၀၈၂၀၀၉မှာရောက်ရှိလာတဲ့လူသစ်(၁)သောင်းကို ရိက္ခာလက်မှတ်ထုတ်ပေးဘို့ကိစ္စကို”တီဘီဘီစီ”အဖွဲ့ကရက်ရွှေ့လိုက်တယ်ဘယ် လောက်ကြာမှာလည်း တော့မသိသေး ဘူး”ဟုဖားစည်သံသို့ပြောသည်။

 အဆိုပါလူသစ်များထဲတွင် မိမိအစီအစဉ်ဖြင့် စားနိုင်သောက်နိုင်သူများပါရှိပြီး အချို့မှာ ကိုယ်ပိုင်မော် တော်ဆိုင်ကယ်များနှင့် စခန်းအတွင်း ဈေးဆိုင်ဖွင့်ထားသူများပါရှိပြီး စစ်ဆေးမှုပြုလုပ်ပြီးလျှင်လူ(၆)ထောင်ခန့်ရိက္ခာနှင့် အသိအမှတ်ပြုလက်မှတ် ရရှိနိုင်မည် ဟုလည်းပြောသည်။

 လက်ရှိမယ်လဒုက္ခသည်စခန်းတွင် ဒုက္ခသည်(၅)သောင်းခန့် နေထိုင်လျှက်ရှိရာ ဒုက္ခ သည်အဖြစ် တရားဝင်အသိအမှတ်ပြုခံရသူ(၃)သောင်းရှိပြီး ရိက္ခာလက်မှတ်ရရှိ သူ(၁) သောင်းနှင့် ရိက္ခာလက် မှတ်မရရှိသေး သူ(၁) တို့ဖြစ်သည်။

 မယ်လ၊အုန်းဖျန်၊နို့ဖိုး၊စသည့်ဒုက္ခသည်စခန်းများထဲတွင် ဒုက္ခသည်များလျှော့နဲသွားခြင်း မရှိဘဲ အဆမတန် များပြားလာရခြင်းမှာဒုက္ခသည်စခန်းများမှတဆင့် တတိယနိုင်ငံ ထွက်ခွာခွင့်ရရှိ သောကြောင့် ဖြစ်ပြီး အကျိုးဆက်အဖြစ် စခန်းအတွင်းအဂတိလိုက်စားမှု များနှင့်ရှုတ်ထွေးမှုများ စွာမကြာခဏဖြစ် ပွားလျှက်ရှိ သည်ဟုမယ်လစခန်းမှဘာသာရေး ဆရာတဦးကဖားစည်သံသို့ ပြောသည်။

 တတိယနိုင်ငံထွက်ခွာခွင့်ရရှိရန်အတွက် ဒုက္ခသည်စခန်းများတွင် တရားမ၀င်လာရောက် နေထိုင်ကြသူများကို သက်ဆိုင်ရာခရိုင်အာဏာပိုင်များနှင့်စစ်တပ်က ၀င်ရောက်စစ် ဆေးမှုများရှိသော်လည်း အဖမ်းခံရပြီးနောက်ရက်များတွင် ပြန်လည်ဝင်ရောက်လာကြ သဖြင့် အဓိကတာဝန်ရှိသူမှာ စခန်းအုပ်ချုပ်ရေးသာဖြစ်သည်ဟုလည်း ဆက်လက်ပြော ကြားသည်။

 ထိုင်းမြန်မာနယ်စပ်ရှိ ဒုက္ခသည်များအတွက် စားနပ်ရိက္ခာများကို ထိုင်းမြန်မာနယ်စပ် တလျှောက် ကူညီစောင့်ရှောက်ရေးညွန့်ပေါင်းအသင်း(တီဘီဘီစီ)က ကူညီထောက်ပံ့ ပေးပြီး လူဦးရေစိစစ်မှုကိုပါ ပူးတွဲ လုပ် ဆောင်သည်။

 ယခုလကုန်ပိုင်းတွင် (တီဘီဘီစီ)က လူသစ်များအတွက် ရိက္ခာနှင့်အသိအမှတ်ပြုလက် မှတ်ထုတ် ပေးရန် စိစစ်မှုကို အုန်းဖျန်နှင့်နို့ဖိုးစခန်းများတွင်ပြုလုပ်ပေးမည်ဖြစ်ပြီး မယ်လ စခန်းကိုမူရွှေ့ဆိုင်း ထားသည်ဟု ၎င်း အဖွဲ့၏ ၀န်ထမ်းတဦးကပြောသည်။

 ထိုင်းမြန်မာနယ်စပ်တလျှောက်တွင်မြန်မာဒုက္ခသည်စခန်း(၉)ခုရှိပြီးမြန်မာဒုက္ခသည်

(၁၄၀၀၀၀)ခန့်နေထိုင်လျှက်ရှိသည်(တီဘီဘီစီ)အဖွဲ့၏စစ်တမ်းတွင်ဖေါ်ပြထားသည်။

 

  ဖားစည်သံ

ဒုက္ခ သုက္ခတွေကြားက ဆက်လှမ်းမယ့် ခြေလှမ်း

Submitted by Karen Information Center on June 30, 2009 – 10:02 pm

ခေါင်ဆူလိုင့်

oh

အသက် ၁၉နှစ်အရွယ် ကေအဲန်အယ်လ်အေ ရဲဘော်လေး စောမူစေးဟာ ခြေတဖက် ဖြတ်လိုက်ရပေမယ့် ငယ်ငယ်ရွယ်ရွယ်နဲ့ ဒုက္ခိတ ဖြစ်သွားရတဲ့ သူ့ဘ၀ အတွက် စိတ်ဓာတ် မကျဘဲ ဖြစ်ပျက်ပုံကို ပြန်ပြောရင်း ကျေနပ်နေခဲ့တယ်။

“ဒီကေဘီအေက စစ်သားသစ် ကောက်လို့ ထွက်ပြေးလာတဲ့ ရွာသားတွေကို ကျနော်တို့တတွေ လမ်းရှင်းပေးရတာ သုံးလေးခါလောက် ရှိပြီ၊ ဒါပေမဲ့ ဒီတခေါက်မှာ ဒီကေဘီအေ ထောင်ထားတဲ့ ဗုံးကို ကျနော် နင်းမိတော့တာပဲ။ တော်သေးတယ်နော်၊ ကျနော်သာ မနင်းမိဘဲ ရွာသားတွေထဲက အများစုဖြစ်တဲ့ ကလေးငယ်နဲ့ မိခင်တွေသာ နင်းမိရင်တော့ ဒုက္ခပဲ” လို့ သူက ဖြေသိမ့်တွေးနဲ့ ပြောပြနေတယ်။
 
၂၀၀၉ ခုနှစ် မေလလယ်လောက် ကတည်းက လှိုင်းဘွဲ မြို့နယ် ထီးပယ်ရွာသားတွေ နယ်စပ်ဘက်ကို ထွက်လာတာ လမ်းမှာ မိုင်းဗုံးတွေ နင်းမိမှာစိုးလို့ ဒုရင်းမှူးနဲ့အတူ စောမူစေးတို့ တပ်ရင်း (၂၂) က ရဲဘော်တွေ လမ်းရှင်းပေးပြီး ရာနဲ့ချီတဲ့ ရွာသားတွေကို တသုတ်ပြီးတသုတ် ခေါ်ထုတ် လာခဲ့ရတယ်။ ထီးပယ် ရွာသားတွေဟာ ရွာလုံးကျွတ် နေအိမ်ကို စွန့်ခွာလာခဲ့ပြီး သောင်ရင်းချောင်း ကမ်းနံဘေးက လယ့်ဘော်ဟဲ ပြည်တွင်းဒုက္ခသည် စခန်းကို မေလ (၂၀) ရက်နေ့ကစလို့ ဘေးအန္တရာယ် ကင်းစွာနဲ့ ရောက်ရှိ လာခဲ့ကြတယ်၊ သူတို့အတွက် ကယ်ဆယ်ပေးခဲ့ရတဲ့ ကေအဲန်အယ်လ်အေ တပ်ဖွဲ့ဝင်တွေဟာလည်း မိုးထဲလေထဲမှာ အတော်ပင်ပန်း ဆင်းရဲခဲ့ရတယ်။

စောမူစေးဟာ အသက် (၉)နှစ် အရွယ်ကတည်းက စစ်သား လုပ်ချင်လွန်းလို့ ကေအဲန်ယူ တပ်ရင်း (၂၂) ကို ရောက်လာခဲ့တယ်၊ တပ်ရင်းမှူးက အရမ်းငယ် သေးလို့ သူ့ကို ကျောင်းထားခဲ့ပေမယ့် ကျောင်းမပျော်တဲ့ သူ့ကို အသက်မပြည့်သေးတော့ တပ်ရင်းမှူးက အသက် ၁၈နှစ် ပြည့်မှပဲ စစ်သား လုပ်ခွင့်ပေးတော့ တယ်လေ၊ နှုတ်လျှာသွက်လက်ပြီး လူချစ်ခင်အောင် နေတတ်တဲ့ စောမူစေး အခုလို ရွာသားတွေကို ကူညီပေးရင်း ညာဖက် ခြေထောက်ကို ဖြတ်ထုတ် လိုက်ရတော့ သူ့ကို အရမ်းချစ်တဲ့ တပ်ရင်းမှူးက “မင်းကို အသက်ပြည့်လို့ အလုပ်မှာ ခိုင်းမယ်ဆိုကာမှ အခုတော့ မင်း ခြေတဖက် ဖြတ်လိုက်ရတာကို စိတ်မကောင်း ဖြစ်မိတယ်” လို့ ပြောကြောင်း သူက ပြန်ပြောပြပါတယ်။

မီးတွင်းထဲမှာ မိခင်ဆုံးပြီးတော့ ဖခင်က နောက်အိမ်ထောင်နဲ့ ညီမလုပ်တဲ့သူက ပုသိမ်မှာ ကျောင်းနေတဲ့အချိန်၊ သူက တော်လှန်ရေးမှာ စစ်သားဘ၀နဲ့ ပျော်မွေ့နေခဲ့တယ်။ “ကျနော်သာ ကျောင်းနေပျော်ရင် အခုလောက်ဆို ညီမလေးလိုပဲ ပညာတတ် တယောက် ဖြစ်နေလောက်ပြီ၊ ဒါပေမဲ့ ကျနော်က စစ်သားဘ၀ကိုပဲ ခုံမင်တယ်”၊ ငယ်ငယ်က တပ်ရင်းကနေ ရွာကိုပြန်လည်တော့ သူ့တကိုယ်လုံး ထိုးထားတဲ့ ထိုးကွင်းမှင်ကြောင်တွေကို မြင်ပြီး အဖွားဟာ သွေးတက်ခဲ့ဖူးတာကို ပြန်ပြော ရယ်မော နေသေးတယ်၊ ဘ၀ကို စိတ်ပျက် အားငယ်မှု ကင်းစွာနဲ့ ကျေနပ် ရောင့်ရဲတတ်တဲ့ စောမူစေးမှာ စိုးရိမ်တာ တခုက ဖြတ်ထားတဲ့ ခြေထောက်အနာ သက်သာလာရင် ပြန်နေစရာ တပ်ရင်းနေရာမှ ရှိပါ့တော့မလားပေါ့။

jdကိုယ်တိုင်က ဆေးကုသမှုသာ ခံယူနေရပေမဲ့ မိခင်တပ်ရင်း (၂၂) နဲ့အတူ တပ်ရင်း(၁၀၁)၊ တပ်ရင်း (၂၁) ကို ဒီကေဘီအေတွေ နေရာဝင်ယူ လိုက်ပြီ ဆိုတာကို ကြားသိလိုက်ရတယ်၊ ဇွန်လ ၃ ရက်နေ့ ကတည်းက ကေအဲန်ယူ တပ်မဟာ (၇) လက်အောက်ခံ တပ်ရင်း ဒေသတွေကို ဒီကေဘီအေနဲ့ နအဖ တပ်တွေက ထိုးစစ် ဆင်လာလိုက်တာ နေ့စဉ် ရက်ဆက်ပါပဲ၊ နအဖ တပ်မ (၂၂) လက်အောက်ခံ တပ်ရင်းတွေ ဖြစ်တဲ့ ခလရ (၈၁)၊ ခမရ (၂၀၁)၊ (၂၀၂)၊ (၂၀၃)၊ (၂၀၅) နဲ့ (၂၁၀) တပ်ရင်းတွေက အနောက်ကနေ ၈၁-မမ၊ ၆၀-မမ၊ အာရ်ပီဂျီ-၇ စတဲ့ လက်နက်ကြီးတွေနဲ့ ကူပစ်ပေးပြီး ဒီကေဘီအေ (၉၉၉)၊ (၅၅၅)၊ (၃၃၃) တပ်မဟာနဲ့ ဗဟို လုံခြုံရေး တပ်ဖွဲ့ဝင်တွေက ကေအဲန်အယ်လ်အေ တပ်မဟာ (၇) နယ်မြေကို လက်နက်ကြီးငယ်တွေနဲ့ အပြုတ် တိုက်ခိုက်နေတယ်။

အဲဒီအတွက် ဖားအံခရိုင်၊ လှိုင်းဘွဲနဲ့ ပိုင်ကျုံ မြို့နယ်ထဲမှာရှိတဲ့ စေဖိုးခီး၊ ပနွယ့်ပူ၊ မဲ့လာအား၊ ပိုပေါ့လေး၊ ခလဲ့ခို့၊ ခလယ့်ဒေး၊ ၀ါးမီကလား၊ ထီးကဟော၊ တာကလယ်ခီး၊ မောပယ်ခို့၊ မောသူးခီး၊ ၀ါးရှို့ခို့၊ ခလယ့်ကာ့၊ ထီးဘော်ဒေး၊ မဲ့ကဲ့၊ မဲ့တပူးထာ့၊ ကွီးလေး၊ ဟောသူးခီး၊ ထီးပယ် စတဲ့ ရွာပေါင်း နှစ်ဆယ် နီးပါးက ရွာသူရွာသား ၄၀၀၀ လောက်ဟာ ထိုင်းဘက်ကမ်းအထိ ထွက်ပြေး လာရတယ်။ အတော်များများကတော့ အသက် ၁၃ နှစ်အောက် ကလေးသူငယ်တွေနဲ့ သားသည်မိခင် အမျိုးသမီးတွေပါပဲ။ ဒါ့အပြင် ကျောင်းဖွင့်စမှာ စာလေးတောင် မသင်ရသေးတဲ့ ကျောင်းသား လူငယ်လေးတွေလည်း ကျောင်း မတက်ရ။ ရွာမပြန်ရနဲ့ ပျင်းရိငြီးငွေ့ နေကြရတယ်၊ လောလောဆယ်တော့ ဘယ်သောင် ဘယ်ကမ်း နားရမှန်း မသိသေးတဲ့ အနာဂတ်လမ်းစ ပျောက်နေ သူတွေလိုပါပဲ။

ထိုင်းနိုင်ငံ တာ့ခ်ခရိုင်၊ ထာ့ဆောင်ယန်း မြို့နယ်က အူးသူးထာ့၊ နိုဘိုး၊ မဲ့တရီနဲ့ ကလေ့ထာ့ နေရာတွေမှာ ထိုးစစ်ကြောင့် ထွက်ပြေးလာရတဲ့ ကရင်ရွာသူ ရွာသားတွေကို ယာယီအဖြစ် အရေးပေါ် နေရာချ ထားပေးတယ်၊ အဲဒီ ဒုက္ခသည် ရွာသားတွေကို ထိုင်း-မြန်မာ နယ်စပ် ကူညီ စောင့်ရှောက်ရေး အဖွဲ့  (တီဘီဘီစီ) က ဆန်၊ ဆား၊ အိုးခွက် ပန်းကန်၊ စောင်၊ ခြင်ထောင် စတာတွေ ပေးပြီး ကရင်ဒုက္ခသည် ကော်မတီ (ကေအာရ်စီ) နဲ့ အခြား ကရင်လူမှု အဖွဲ့အစည်းတွေ ကလည်း အ၀တ်အစားတွေ၊ နို့စို့ ကလေးတွေအတွက် အနှီးတွေ ပေးနေတဲ့အပြင် ဆေးဝါးတွေကိုလည်း ကရင်ကျန်းမာရေး အဖွဲ့တွေနဲ့ ဒေသဆိုင်ရာ ထိုင်း ကျန်းမာရေးဌာနကလည်း တတ်နိုင်သမျှ ကြည့်ရှု ပေးကြတယ်၊ ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံးကလည်း ဒုက္ခသည်တွေ ယာယီနေထိုင်ရေးအတွက် တာလပတ်မိုးတွေကို လာရောက် ကူညီပေးတာလည်း ရှိတယ်။

ဒါ့အပြင် နယ်စပ်တိုက်ပွဲကြောင့် ဒေသခံရွာသားတွေကလည်း ပေါ်တာတွေအဖြစ် ဒီကေဘီအေ စစ်ကြောင်းတွေနဲ့ ရှေ့တန်းကို လိုက်ပါရပြီး ထွက်ပြေးသူ ပြေး၊ မိုင်း ထိသူထိနဲ့ အတိဒုက္ခရောက် ကြရပြန်တယ်၊ စစ်အစိုးရကတော့ ကရင်ပြည်နယ်မှာ အခုဖြစ်တဲ့ နယ်စပ်တိုက်ပွဲဟာ နအဖစစ်တပ်နဲ့ မဆိုင်ဘဲ ကရင်တွေ အချင်းချင်း တိုက်ခိုက်နေတာ ဖြစ်တယ်လို့ ဆိုတယ်၊ နိုင်ငံတကာက သတင်းထောက်တွေနဲ့ အစိုးရ မဟုတ်တဲ့ အဖွဲ့အစည်းတွေတောင်မှ လူ သားချင်းစာနာစိတ်နဲ့ တတ်နိုင်သမျှ လာရောက် ကူညီပေး နေတဲ့ကြားက နအဖနဲ့ ဒီကေဘီအေ ပူးပေါင်းတပ်ဖွဲ့ရဲ့ ထိုးစစ်ကြောင့် နေအိမ်စွန့်၊ ရွာစွန့်၊ ကျောင်းစွန့်ပြီး အ၀တ်တထည် ကိုယ်တခုနဲ့ ထွက်ပြေး လာတဲ့သူတွေဟာ သာမန်အရပ်သားတွေ မဟုတ်ဘဲ ကေအဲန်ယူတွေရဲ့ မိသားစုတွေလို့ စစ်အုပ်စုက မျက်နှာလွဲ ခဲပစ် ပြောနေပြန်တယ်။

၎င်းတို့ စစ်အုပ်စုတွေကသာ မြန်မာပြည်ရဲ့ ရာစုနှစ်ဝက်ကျော်ကြာတဲ့ ပြည်တွင်းစစ်နဲ့ နယ်စပ်တိုက်ပွဲတွေကို ဖန်တီး လုပ်ဆောင်နေပြီး ၂၀၁၀ ခုနှစ် ရွေးကောက်ပွဲမှာ စစ်အာဏာရှင်စနစ် သက်ဆိုးရှည်စေရေး တရားဝင် အတည်ပြုဖို့ ကြိုတင်ပြင်ဆင်နေတဲ့ တကယ့်သမိုင်း တရားခံ အစစ်အမှန်ပါပဲ။

အခုထိုးစစ်မှာ စစ်အစိုးရကို ခုခံတော်လှန်နေတဲ့ ကေအဲန်ယူ တပ်မဟာ (၇)ရဲ့ နယ်မြေတွေကို နယ်ခြားစောင့်တပ်ရဲ့ တပ်ရင်းနေရာတွေ ဖြစ်အောင် မရအရ သဲကြီးမဲကြီး ဇွတ်တိုး တိုက်ခိုက်နေတဲ့ ဒီကေဘီအေ တပ်ထဲက အရာရှိကအစ အောက်ခြေရဲဘော်အဆုံး ရက်သတ္တ နှစ်ပတ်အတွင်းမှာ ရာနဲ့ချီပြီး ထိခိုက် သေကြေ နေကြရတယ်။

ကရင့်တော်လှန်ရေး တပ်ဖွဲ့တွေဖြစ်တဲ့ ကေအဲန်ယူ တပ်မဟာ (၇)ဘက်ကလည်း နောက်မဆုတ်တမ်း ရှေ့ဆက်တိုးလာနေတဲ့ ဒီကေဘီအေ တပ်ဖွဲ့တွေကို ဘယ်လိုမှ တားဆီးလို့ မရတော့တဲ့အဆုံး ပြောက်ကျားစစ်ကို ဆင်နွဲသွားတော့မယ်လို့လည်း ဆိုပါတယ်။

ဘယ်လိုပဲဖြစ်စေ တကယ်ထိခိုက်ကျဆုံးတာလည်း ကရင်ရဲဘော်တွေပဲ ဖြစ်သလို၊ တကယ်ဒုက္ခ ရောက်နေရတာကလည်း ကရင် ပြည်သူလူထုပဲမို့ နိုင်ငံရေးအရ အမြတ်ထွက် နေတာကတော့ တိုင်းပြည်ကို မတရား အုပ်ချုပ်ထားတဲ့ အစိုးရ အမည်ခံ စစ်အာဏာရှင် အုပ်စုတွေပါပဲ။

ဒီ စစ်အာဏာရှင်တွေ မပြုတ်ကျ သရွေ့တော့ ရှမ်း၊ ချင်း၊ ကချင်၊ ကယား စတဲ့ အခြား လက်နက်ကိုင် တိုင်းရင်းသား တွေနဲ့အတူ ကရင့်တော်လှန်ရေးဟာလည်း အမှန်တရားအတွက် ဆက်လက် တိုက်ပွဲဝင် နေမယ်လို့ စောမူစေးက ယုံကြည်ထားတယ်။

လှိုင်းဘွဲ မြို့နယ်၊ ပီတူးထာ့ ရွာသားတဦးဖြစ်တဲ့ စောမူစေးကတော့ ဘယ်လိုပဲဖြစ်ဖြစ် တော်လှန်ရေး စစ်သားပဲ ဆက်လက်လုပ်သွားဖို့ ဆုံးဖြတ်ချက်ကိုတော့ ဘယ်တော့မှ စွန့်လွှတ်မှာ မဟုတ်ပါဘူးလို့ အခုလို ပြောပါတယ်၊ “ကျနော့်လို ခြေထောက်ပြတ်ဖူးတဲ့ တော်လှန်ရေး ရဲဘော်ဦးလေးကြီးတွေ အများကြီး ရှိခဲ့ဖူးတာပဲ၊ သူတို့တွေဆို တောင်တက်တာ လူကောင်းတွေထက်တောင် ပိုမြန်သေးတယ်၊ ကျနော်လည်း ပြန်လေ့ကျင့်ရင် အဲလိုမြန်နိုင်မှာပါ၊ ကျနော် အသက်ရှင် နေသရွေ့တော့ ကရင်ပြည်သူတွေအတွက်၊ ကရင့်တော်လှန်ရေးအတွက် တရားတဲ့စစ်ကို ဆက်တိုက်နေအုံးမယ်” ဟု စောမူစေးက စိတ်အားတက်ကြွစွာ ပြောနေပါတော့တယ်။

ဖါးစည်သံ

ကေအိုင်စီသတင်းမှ ကိုးကားဖေါ်ပြသည်။

သဘာဝဓာတ်ငွေ့ ပြတ်တောက်သဖြင့် ထိုင်းနိုင်ငံ ဘတ်ငွေ ၁ ဘီလျံနစ်နာ

ဥဆာ ဖိချိုင်း

ဗုဒ္ဓဟူးနေ့၊ စက်တင်ဘာလ 16 ရက် 2009 ခုနှစ် 20 နာရီ 15 မိနစ်

ချင်းမိုင် (မဇ္ဈိမ)။     ။ နည်းပညာဆိုင်ရာ ပြဿနာများကြောင့် မြန်မာနိုင်ငံနှင့် ထိုင်း ပင်လယ်ကွေ့မှ ပေးပို့နေသော သဘာဝဓာတ်ငွေ့ ပို့လွှတ်မှုများ ပြတ်တောက် သွားသဖြင့် ထိုင်းနိုင်ငံသည် ခန့်မှန်းခြေ ထိုင်းဘတ် ၁ ဘီလျံမျှ နစ်နာသွားခဲ့ရသည်။

မြန်မာနိုင်ငံ ရဲတံခွန် ရေနံမြေမှ ပို့လွှတ်နေသော ဓာတ်ငွေ့ပိုက်လိုင်းသည် ယခုလ ၁၂ ရက်နေ့တွင် ၇ နာရီကျော်ကြာနှင့် ၁၃ ရက်နေ့တွင် ၉ နာရီမျှ ပြတ်တောက်သွားခဲ့သည်ဟု ထိုင်းနိုင်ငံ လျှစ်စစ်ဓာတ်အား ထုတ်လုပ်ရေး အာဏာပိုင်အဖွဲ့ (EGAT) က ပြောသည်။ အလားတူ မလေးရှား-ထိုင်းနိုင်ငံ ပူးတွဲဖွံ့ဖြိုးမှုဒေသ (JDA) ၏ သဘာဝဓာတ်ငွေ့ ပိုက်လိုင်းသည်လည်း ယခုလ ၁၂ ရက်နေ့တွင် ၅ နာရီနှင့် ၁၃ ရက်နေ့တွင် ၂ နာရီမျှ ရပ်ဆိုင်းသွားခဲ့သည်။

ရဲတံခွန်ရေနံမြေမှ ဓာတ်ငွေ့ကို ထိုင်းနိုင်ငံ အနောက်ပိုင်းပြည်နယ် ရတ်ချာဘူရီရှိ အကြီးဆုံး ဓာတ်အားပေးစက်ရုံသို့ ပေးပို့နေပြီး၊ JDA ပိုက်လိုင်းမှ ဓာတ်ငွေ့ကို ထိုင်းနိုင်ငံ တောင်ပိုင်းပြည်နယ်ရှိ ချန်းနား (Channa) ဓာတ်အားပေး စက်ရုံသို့ ပေးပို့နေသည်။

ပြီးခဲ့သော စနေ၊ တနင်္ဂနွေနေ့က ဓာတ်ငွေ့ပြတ်တောက်ခဲ့သဖြင့် ထိုင်းနိုင်ငံ၏ ဓာတ်အားလိုအပ်ချက် စုစုပေါင်း၏ ၁၀ ရာခိုင်နှုန်းမျှဖြစ်သော ခန့်မှန်းခြေ ဓာတ်အား မဂ္ဂါဝပ် ၂၀၀၀ မျှ ဆုံးရှုံးခဲ့ရသည်။

ဤအဖြစ်အပျက်များကြောင့် ထိုင်းနိုင်ငံတောင်ပိုင်းတွင် စွမ်းအင် လုံခြုံရေးအတွက် စိုးရိမ်ပူပန်မှုများ ဖြစ်ပေါ်လာခဲ့ရသည်ဟု EGAT ၏ ပြောရေးဆိုခွင့်ရှိသူ Wirat Kanchanapibun က ပြောသည်။

ဤပြဿနာကို ဖြေရှင်းရန်အတွက် EGAT က မလေးရှားမှ ဓာတ်အား ၁၅၀ မဂ္ဂါဝပ် ဝယ်ယူခဲ့ပြီး၊ ဆူရတ်ဌာနီပြည်နယ် ရေအားလျှစ်စစ်စက်ရုံ၊ ရတ်ချာဘူရီပြည်နယ် လောင်စာသုံးစက်ရုံတို့မှ လျှပ်စစ်ဓာတ်အား ၂၄၀ မဂ္ဂါဝပ်ကို တောင်ပိုင်းပြည်နယ်အတွက် ထုတ်လုပ်ပေးခဲ့သည်။

ထို့ပြင် မြန်မာနယ်စပ်နှင့်ကပ်နေသော ကန်ချနဘူရီပြည်နယ်တွင် Srinakarin ရေကာတာမှ ရေများကိုထုတ်ပြီး ဓာတ်အားထုတ်လုပ်ရန်လည်း EGAT က စွန့်စွန့်စားစား ဆုံးဖြတ်ခဲ့ရသည်ဟု ဆိုသည်။

လွန်ခဲ့သည့်လက ဓတ်ငွေ့ပိုက်လိုင်း ယိုစိမ့်မှုတခု ဖြစ်ပွားသဖြင့် လျှပ်စစ် ပြတ်တောက်မှုမဖြစ်ရန်  Srinakarin ရေကာတာမှ ရေများကို ထုတ်လွှတ်ပေးခဲ့ရသဖြင့် ကျယ်ပြန့်သော ဒေသအတွင်း ရေလွှမ်းမိုးမှုများ ဖြစ်ပေါ်ခဲ့ပြီး ဒေသခံ ကျေးရွာသား ရာနှင့်ချီ၍ ထိခိုက်ခဲ့ရသည်။

ယခု ဓာတ်ငွေ့ ပြတ်တောက်သဖြင့် ခန့်မှန်းခြေ စုစုပေါင်း ဘတ်ငွေ ၁ ဘီလျံမျှ နစ်နာခဲ့ရသည်ဟု EGAT မှ အရာရှိတဦးက ခန့်မှန်း ပြောကြားသည်။

ဤဓာတ်ငွေ့ပို့လွှတ်မှုများ ပြတ်တောက်ခြင်းအတွက် သူတို့တွင် တာဝန်မရှိကြောင်း ထိုင်းနိုင်ငံ ရေနံအာဏာပိုင်အဖွဲ့ သဘာဝဓာတ်ငွေ့ ထောက်ပံ့ရေးဌာန (ယခု PTT Public Co. Ltd.) ၏ မန်နေဂျာ Panu Sutthirat က ပြောသည်။

သူက ”ဒီသဘာဝဓာတ်ငွေ့ ရင်းမြစ်နှစ်ခုစလုံးက ပက်ထရိုနပ်စ် ကော်ပိုရေးရှင်း (Petronas Corp.) နဲ့ပဲ ဆိုင်ပါတယ်။ ပြဿနာက ရဲတံခွန် ရေနံတွင်းတူးစင် အပြောင်းအလဲဖြစ်လို့ ပေါ်လာတာပါ” ဟု ပြောသည်။

”ဓာတ်ငွေ့ပြတ်တောက်မှုကို အစားထိုးဖို့ အခြားရင်းမြစ်က ဓာတ်ငွေ့ကိုသုံးစွဲပြီး PTT က ဓာတ်အား ထုတ်လုပ်ပေးခဲ့ပါတယ်။ ဒါပေမဲ့ ဆုံးရှုံးသွားတဲ့ ပမာဏကို ပြည့်မီအောင် ထုတ်မပေးနိုင်ခဲ့ပါဘူး” ဟု သူက ပြောသည်။

ထိုင်းနိုင်ငံ၏ လျှပ်စစ်ဓာတ်အား ထုတ်လုပ်မှုတွင် သဘာဝဓာတ်ငွေ့ဖြင့် ထုတ်လုပ်ခြင်းက ၇၀ ရာခိုင်နှုန်းမျှ ရှိနေသဖြင့် အလွန်ပင် အချိုးအစား ကြီးမားသောကြောင့် အလွန် အန္တရာယ်ကြီးကြောင်း ထိုင်းနိုင်ငံမှ လွတ်လပ်သော စွမ်းအင်ကျွမ်းကျင်သူ Manoon Siriwan က ပြောသည်။

”မလေးရှားနဲ့ အင်ဒိုနီးရှားမှ ထိုင်းနိုင်ငံထက်စာရင် သဘာဝဓာတ်ငွေ့သိုက်တွေ ပိုရှိတယ်။ ဒါပေမဲ့ ဒီအန္တရာယ်ကို လျှော့ချနိုင်ဖို့အတွက် သူတို့က လျှပ်စစ်ထုတ်ဖို့ တခြားရင်းမြစ်တွေကို သုံးတယ်။ ဒါ့အပြင် ထိုင်းနိုင်ငံမှာရှိနေတဲ့ ဓာတ်အားထုတ်လုပ်ရေး စီမံကိန်း အားလုံးကို မကြာသေးခင်က ဆန္ဒပြတာ ခံခဲ့ရတယ်” ဟု ထိုင်းနိုင်ငံ မန်နေဂျာ သတင်းဝဘ်ဆိုဒ်တွင်သူက ပြောသည်။

ဒေသခံရွာသားများက ဇီဝလောင်စာနှင့် ကျောက်မီးသွေးလောင်စာသုံး ဓာတ်အားပေးစက်ရုံများအပါအဝင် စီမံကိန်းများကို သဘာဝပတ်ဝန်းကျင်ပျက်စီးမှုများ ပေါ်ပေါက်လာမည်ကို စိုးရိမ်သဖြင့် ထိုင်းနိုင်ငံတွင် ဆန့်ကျင်ဆန္ဒပြခဲ့ကြသည်။

မည်သို့ပင်ဖြစ်စေ ပတ်ဝန်းကျင်ထိန်းသိမ်းရေးဝါဒီများက စိုးရိမ်ပူပန်မှုများ ပေါ်ပေါက်လာနေသဖြင့် ထိုင်းအစိုးရအနေဖြင့် စွမ်းအင်လိုအပ်ချက် ပြည့်မီစေရန် မဟာစီမံကိန်းကြီးများ၊ အထူးသဖြင့် အိမ်နီးချင်း လာအိုနှင့် မြန်မာနိုင်ငံတို့တွင် ရေအားလျှပ်စစ် စီမံကိန်းကြီးများတွင် ရင်းနှီးမြှုပ်နှံမှုများ ပြုလုပ်လာရတော့မည်ဖြစ်သည်

ဖါးစည်သံ

မဇ္ဈိမသတင်းမှ ကိုးကားဖေါ်ပြသည်။